د بشري حقونو څار سازمان له جرمني څخه د یو شمېر افغان کډوالو پر ستنولو د نیوکې تر څنګ ویلي، چې هغه هېواد په افغانستان کې د بشري حقونو پر روان ناورین سترګې پټې کړې دي.
دغه سازمان د جرمني حکومت ته ویلي، چې «هلته [افغانستان] کې هېڅوک خوندي نه دي.»
د جرمني رسنیو د راپورونو له مخې، هغه هېواد د جمعې په ورځ (د وږي په ۹مه نېټه) د «مجرمو» افغان کډوالو د اېستلو لړۍ پیل کړه.د شپیګل د خپرونې په لیکنه، د لایپزیګ له هوايي ډګره د افغان کډوالو یوه ۲۸ کسیزه ډله کابل ته ستنه شوه.د بشري حقونو څار سازمان، د ملګرو متونو او نورو سازمانونو د اسنادو له مخې په افغانستان کې د بشري حقونو وضعیت «کړکېچن» بللی.دغه سازمان ویلي، افغان کډوال هغه هېواد ته ستنول کېږي چې هلته واکمن (طالبان) خلک د نورو پر وړاندې په دورو وهي او مېرمنې یې له ټولنې څنډې ته کړې دي.د بشري حقونو څار سازمان وايي:« هلته وضعیت تر دې بریده کړکېچن دی، چې د ملګرو ملتونو د سپارښتنې له مخې هیڅوک باید هغه هېواد ته په زوره ستون نه شي.»د بشري حقونو څار سازمان د جرمني د صدراعظم اولاف شولتس خبرو ته په اشارې سره ویلي، په کار ده چې د جرمني چارواکو او حکومت ته څرګنده شوې وي چې «پر بنستیزو ارزښتونو سترګې پټول او پر ځای یې لنډ مهاله سیاسي ګټو ته پاملرنه ګټونکې او د دفاع وړ تګلاره نه ده.»دغه بنسټ په افغانستان کې د ناقانونه پراخو وژنو، جبري تري تم کېدلو او ربړونو ته په اشارې ویلي: «هیڅوک هته خوندي نه دی.»دغه بنست ویلي، چې «هیڅوک باید د خپلو کړو جنایتونو له امله داسې ځای ته و نه شړل شي چې هلته له بشري حقونو څخه په پراخه کچه سرغړونې روانې وي.»د اسلام پالو افغان او سوري کډوالو وروستي بریدونه چې له امله یې عام وګړي ووژل شول، د جرمني پر حکومت یې فشارونه زیات کړل چې نا قانونه کډوال له خپل هېواده وباسي او د نورو کډوالو د ورتګ مخه ونیسي.د جرمني حکومت ویلي، ټول هغه کډوال به له خپل هېواده وباسي چې جرمي مخینه لري.
د خبرپاڼې له مخې: «د یاد وزارت محتسبین شپه او ورځ په دې هڅه کې دي، څو په ورته اخلاقي کړنو او نامشروع اړیکو کې ښکېل کسان ونیسي او د قانون منګلو ته یې وسپاري.»
دا په داسې حال کې ده، چې په دې وروستیو کې د پلازمینې په ګډون د هېواد په بېلابېلو ولایتونو کې د خلکو پروړاندې د طالبانو د امربالمعروف وزارت د محتسبینو چلند سخت شوی دی.
له دې سره، نن د ننګرهار ولایت یو اوسېدونکي بیا افغانستان انټرنشنل ته د یوې ویډيو په لېږلو سره وایي، چې طالب محتسبانو په دغه ولایت کې ځینې ځوانان د ږیرې کمولو او د وېښتانو رنګولو له امله نیولي، وهلي او سپک کړي دي.
طالبانو له تېرو دوو کلونو راهیسې د بېلابېلو جرمونو په ځانګړې توګه د «نامشروع» اړیکو په تور لسګونه کسان په عام محضر کې په دورو هم وهلي دي.
د افغانانو په ځانګړې توګه بیا د ښځو او ځوانانو پروړاندې د طالبانو چلند تر هغه وروسته نور هم سخت شوی، چې د یادې ډلې مشر په دې وروستیو کې د امربالمعروف نوی قانون توشیح کړ.
په دې قانون کې له محرم او حجاب پرته د ښځو په ګرځېدو بندیز لګول شوی او همداراز د نارینه و پر جامو او ږیرې پر څارنې ټینګار شوی دی.
دغه قانون د یوناما په ګډون د بشري او د ښځو د حقونو د فعالانو له پراخ غبرګون سره مخ شوی دی.
یوناما په دې اړه د اندېښنې په څرګندولو سره ویلي، چې د طالبانو د نوي قانون له مخې د خلکو د حقونو اخیستل او په دوامداره وېره کې ساتل به د طالبانو او نړۍوالې ټولنې تر منځ جوړجاړی نور هم ستونزمن کړي.
طالبان بیا د «امربالمعروف او نهې عن المنکر» د قانون په اړه د یوناما او ځینو نورو اړخونو اندېښنې بې اساسه بولي او وایي: «هغه مسلمانان چې یاد قانون ردوي هغوی د ایمان له زوال سره مخ دي.»