د پاکستان د پولیسو یو افسر د مذهب د سپکاوي په تور یو عام وګړی وژلی
د پاکستان پولیسو د پنجشنبې په ورځ وویل، چې د پاکستان په سوېل کې د پولیسو یو افسر یو عام سړی وژلی چې د مذهب د سپکاوي په تور په توقیف کې و.
د پاکستان پولیسو د پنجشنبې په ورځ وویل، چې د پاکستان په سوېل کې د پولیسو یو افسر یو عام سړی وژلی چې د مذهب د سپکاوي په تور په توقیف کې و.
د بلوچستان ایالت په مرکز کوېټه کې د پولیسو مشر محمد بلوچ ویلي، چې د دغې قضیې په تور د پولیسو یو افسر نیول شوی دی.
دغه افسر چې نوم یې نه دی یاد شوی، د پولیسو هغه مرکز ته تللی، چیرې چې د کفر په تور نیول شوی دغه سړی ساتل کېده او ویلي یې دي، چې د تورن خپلوان دی.
هغه پر دغه تورن د لیدلو پرمهال ډزې کړي او وژلی یې دی.
د کفر په تور تورن دغه کس د اونۍ په پیل کې نیول شوی و او د هغه تر نیول کېدو وروسته یوې لویې ډلې هغوی ته د تورن د سپارلو غوښتنه کوله.
نوموړی له همدې امله د سختو امنیتي تدابیرو لاندې د پولیسو په یو مرکز کې ساتل کېده.
په پاکستان کې مذهب ته د سپکاوي سزا مرګ ده.
په دغه تور د پاکستان د دولت له خوا هیڅوک نه دي اعدام شوي، مګر ډېری تورن کسان د قهرجنو خلکو له خوا وژل شوي دي.
مذهب ته د سپکاوي تورونه د دې سبب شو چې یو لویه ډله خلک تېر کال په ختیځ پنجاب ایالت کې پر عیسویانو بریدونه وکړي او سلګونه کسان بې ځایه کړي.
یوې بلې ډلې د تیر جون په میاشت کې یو سړی د پاکستان په شمال کې د قران کریم د پاڼو د سوځولو په تور وواژه.
