د ترهګرۍ په وړاندې د پاکستان د مبارزې ادارې د جمعې په ورځ وویل، چې د تحریک طالبان پاکستان دوه تنه غړي یې د یو لړ عملیاتو په ترڅ کې د پنجاب سره په پوله د ډېره اسماعیل خان په سیمه کې وژلي دي.
د دغې ادارې ویاند ویلي، د ټيټيپي دغه غړي د دوی «د خپلو ملګرو په ډزو» کې وژل شوي دي.
هغې رویټرز خبري اژانس سره په خبرو کې ویلي: "ما تل د لویو موټرو د چلولو ارمان درلوده. له ګوډیانو سره د لوبې کولو پر ځای، ما په ماشومتوب کې له موټرو سره لوبې کولې."
۴۰ کلنه شولها چې لویې لارۍ ته ناسته وه او د شرکت یونیفورم اغوستی و، وویل: «د لاریو په مارکیټ کې اوس وضعیت داسې دی چې هغوی له تجربې پرته هم خلک نیسي او روزنه ورکوي. زه نېکمرغه یم.»
لکه څنګه چې د روسیې سره جګړه د کار ځواک کموي، سوداګر هڅه کوي چې په دودیز توګه د نارینه و له خوا ترسره کېدونکې دندې تر ډېره د ښځو، تنکيو ځوانانو، زده کوونکو او زړو کارګرانو په ګومارلو سره ډکې کړي او د کارګرانو جدي کمښت پوره کړي.
شنونکي وايي، چې په میلیونونو خلک چې زیاتره یې ښځې او ماشومان دي، له جګړې څخه له تېښتې وروسته بهر ته تللي او په لسګونو زره نارینه په پوځ کې ګومارل شوي دي.
د کاري ځواک بحران کولای شي اقتصادي وده او له جګړې وروسته بیارغونه له خطر سره مخامخ کړي.
د مرکزي بانک ارقامو ښودلې چې اوکراین د ۲۰۲۲ کال په فېبروري کې د روسیې له یرغل راهیسې خپل څلورمه برخه کاري ځواک له لاسه ورکړی دی.
د اوکراین د اقتصاد وزارت له خوا د ۳۰۰۰ څخه زیاتو شرکتونو سروې ښودلې، چې نږدې ۶۰٪ کاروبارونو ویلي، چې د ماهرو کارګرانو موندل د دوی اصلي ننګونه ده.
د فولادو د تولید د یو شرکت مشر تیتیانا پیټروک وویل: "وضعیت واقعاً ستونزمن دی. مونږ ۴۵ زره پرسونل لرو؛ خو د ۴۰۰۰ کسانو بستونه لا هم خالي دي."
پیټروک رویټرز ته په یوه مرکه کې وویل: "د کارمندانو کمښت زموږ پر تولید اغېزه لري."
هغه زیاته کړه: "موږ یوازې د کارکوونکو د کمښت ستونزه نه لرو، په سیمه کې ټول شرکتونه زموږ د قراردادیانو په ګډون دې ستونزې سره مخ دي."
رویټرز د نهو اوکرایني شرکتونو له استازو سره خبرې کړي، له لویو صنعتي شرکتونو تر پرچون فروشانو ټولو د کارکوونکو له کم کوالي سر ټکولی.