د حسن نصرالله د وژل کېدو په ویر کې ایران ۵ ورځې او یمن ۳ ورځې عمومي ماتم اعلان کړ

د ایران د اسلامي جمهوریت رهبر په یوه پیغام کې ویلي، چې حسن نصرالله په لبنان کې داسې یو اساس اېښی چې له مخې یې د مقاومت نورو مرکزونو ته جهت ورکړی دی.خامنه یي خبرداری ورکړی، چې پر اسراییل د مقاومت جبهې بریدونه به ډېر سخت وي.اخوا یمن هم درې ورځینی ماتم اعلان کړی دی او ویلي یې دي، چې په دې هېواد کې به بیرغونه نیمه ځوړند وي.د اسراييل پوځ د شنبې په ورځ اعلان وکړ، چې د حزب الله مشر سید حسن نصرالله یې د بيروت په سویلي څنډه کې، د دې ډلې پر مرکزي دفتر په يوه هوایي بريد کې وژلی دی.د اسراییل پوځ زیاته کړې، چې دغې ډلې مرکزي غونډه درلوده چې مشر او نور غړي یې په نښه کړل.له اسراییل وروسته بیا د لبنان حزب الله ډلې هم ومنله چې د دوی مشر حسن نصرالله وژل شوی دی.