د امریکا د بهرنیو چارو وزارت: له اسراییل سره د هغوی د غبرګون په اړه خبرو ته دوام ورکوو

د طالبانو سترې محکمې د چهار شنبې په ورځ ويلي، چې دغو دوو کسانو ته یې د سزا حکم د غزني ولايت د مرافعه او د سترې محکمې له تایيد وروسته ورکړي.

طالبانو د دغو کسانو د هویت په اړه جزییات نه دي ورکړي.

دغې ډلې په تېره یوه اوونۍ کې لږ تر لږه شپږ کسان په لغمان، کندهار او فاریاب ولایتونو کې د بېلابېلو جرمونو په تورونو وهلي دي.

په افغانستان کې واک ته د طالبانو له رسېدو را وروسته دغې ډلې په پرله پسې ډول خلکو په بېلابېلو تورونو سزاګانې ورکړې دي.

د بشري حقونو سازمانونه خلکو ته د جسمي سزا ورکول د نړۍوالو قوانینو او انساني کرامت خلاف کار بولي او په پرله پسې ډول د بندېدو غوښتنه کوي.

په ملګرو ملتونو کې د امریکا دغې سفیرې وویل، د ایران توغندیز برید «دفاعي» نه و.

مېرمن لیڼډا توماس ګرین فیلډ ملګرو ملتونو ته وویل: "خوشبختانه او د متحده ایالاتو او اسراییل ترمنځ د نږدې همغږۍ له لارې، ایران په خپلو موخو کې پاتې راغی.

هغې د ملګرو ملتونو په نننۍ غونډه کې وویل، د ایران د اسلامي انقلابي ګارډ قول اردو د بل غړي هېواد له ګواښونو څخه د ایران ساتنه نه کوله.

د دې پر ځای د ایران د اسلامي انقلابي ګارد قول اردو د حزب الله د مشر حسن نصرالله له وژلو وروسته له حزب الله سره په پیوستون کې عمل کاوه، هغه چې د یوې ترهګرې ډلې مشري یې کوله چې د زرګونو امریکایانو، لبنانیانو او اسراییلیانو په وینو یې لاسونه سره دي.

توماس ګرین فیلډ وویل: «دا د نه منلو وړ ده او موږ د امنیت شورا د غړو په توګه یو ټولیز مسوولیت لرو چې د ایران د اسلامي انقلابي ګارډ قول اردو باندې د ترهګرۍ د ملاتړ او د ډېرو تړونونو د سرغړونې لپاره اضافي بندیزونه ولګوو.»

نوموړي په خیبر کې د پښتنو قامي جرګې په تنظیم کوونکو برید وغنده او پر خپلو پلویانو یې غږ وکړ چې د جرګې ځای ته ځانونه ورسوي.
منظور پشتین وايي، پولیسو پر هغې خیمې برید کړی، چې د وژل شویو، لادرکه شویو او ځپل شویو پښتنو کورنۍ او د ورته پېښو شاهدان ورته راتلل.
پشتین ژمنه وکړه چې دغه برید او د خیمې سوځول دی له خپلې ارادې نه شي اړولای.
هغه پولیس په پیغوروزمه ژبه مخاطب کړل چې د پښتنو د وینې تویولو پرځای ښه داده چې مزدوري وکړي او ریړۍ وچلوي.
په ورته وخت کې د پي ټي ایم غړي وايي، په خیبر ولسوالۍ کې د قامي جرګې پر تنظیموونکو برید د پاکستان د کورنیو چارو وزارت په لارښوونه شوی.
د پاکستان د کورنیو چارو وزارت د اکتوبر پر لومړۍ نېټه په یوه مکتوب کې، چې د پي ټي ایم غړو خپور کړی، د خیبر پښتونخوا حکومت ته سپارښتنه کړې، چې د پي ټي ایم د فعالیتونو پر وړاندې زر او پرېکنده ګام واخلي.

په دغه مکتوب کې پي ټي ایم د حکومت او حکومتي بنسټونو پر وړاندې د کرکې او قومي احساساتو په راپارولو تورن شوی.
په مکتوب کې لیکل شوي، چې د پښتون ژغورنې غورځنګ له قومي او قبیلوي احساساتو ګټه پورته کوي او بېلابېلې رسنۍ او تبلیغاتي توکي کاروي.
مکتوب دا ډل فعالیتونه د عامه امن او حکومتولۍ د اصولو کمزوري کول ګڼلي او د خیبر پښتونخوا حکومت ته پکې سپارښتنه شوې چې یاد غورځنګ ژور و څاري او ددغسې چلند د ډېریدو مخه ونیسي.

د پښتون ژغورنې غورځنګ د پاکستان پر پوځ او امنیتي ادارو نیوکې کوي، چې د ترهګرۍ ضد جګړې په نامه د پښتنو په سیمه کې نیابتي جګړې پرمخ وړي.

سازمان په دې اړوند اندېښنه ښودلې او زياتوي، چې د نیول شوي خبريال د برخلیک په اړه معلومات نه شته.

د افغانستان خبريالانو د ملاتړ سازمان د چهار شنبې په ورځ په يوې اعلاميه کې ويلي، چې طالب استخباراتو په غزنې کې خبريال حکمت ارين د نامعلومو تورونو پر بنسټ نيولی، چې کورنۍ او دوستانو ته یې د برخلیک په اړه معلومات نه دي ورکول شوي.

دغه سازمان په افغانستان کې د رسنيو او خبريالانو په وړاندې د روان وضعیت په اړه اندېښنه ښودلې او زياتوي: «په افغانستان کې د رسنیو او خبریالانو روان وضعیت دا څرکندوي چې لا هم د اوسنۍ حاکمې ډلې له خوا رسنۍ او خبریالان تر سخت فشار، ربړونې، سانسور او ګواښ لاندې دي.»

د افغانستان د خبريالانو سازمان ويلي، چې د طالبانو له لوري د خبريالانو سره ناوړه چلند دا روښانوي، چې دغه ډله لا هم د بیان ازادۍ ته ژمنتيا نه لري.

سازمان په غزني کې د خبريال او «خوشحال» سيمه ييزې راډيو د مسوول حکمت ارين نیول کېدل غندلي او د طالبانو څخه یې د هغه د ژر خوشي کېدو غوښتنه کړې.

په تېرو درېیو کلونو کې طالبانو لسګونه خبریالان نیولي او د رسنیو پر ازادو فعالیتونو یې پراخ بندیزونه لګولي دي.

په وروستیو کې دغې ډلې په کورنیو رسنیو کې د سیاسي خپرونو پر ژوندیو خپرونو بندیز لګولی او هغه وخت دا خپرونې خپرېدلی شي چې له ثبت وروسته یې منځپانګه د دغې ډلې له خوا تایید شي.

ګوټریش په اسراییل باندې د ایران توغندیز برید هم وغانده.

تر دې مخکې، د اسراییل د بهرنیو چارو وزیر یسراییل کاتز ویلي وو، هېواد یې انتونیو ګوترش د ایران د پرونۍ ورځې توغندويي برید د نه غندلو له امله «نامطلوب شخصیت» په ګوته کړی او پر ورتګ یې بندیز لګولی.

هغه زیاته کړه: "د تاوتریخوالي وژونکې دوره باید پای ومومي."

هغه وویل: "وخت په تېرېدو دی."

د ملګرو ملتونو مشر دا هم وویل، چې اوس د دې وخت دی چې په لبنان کې "دښمنۍ" پای ته ورسېږي او په غزه کې اوربند وشي.

بندیان دې خوشې شي او فلسطینیانو ته دې مرستې ورسیږي.