په پاکستان کې د روان کال د پولیو ۲۶‌مه پېښه هم ثبت شوه

د پولیو دغه تازه پېښې د کراچۍ له ختیځ او سجاول څخه راپور شوې دي.
د راپورونو له مخې، د کراچۍ په ختیځه برخه کې یوه اوه کلنه ماشومه په پولیو ناروغۍ اخته شوې او په سجاول ولسوالۍ کې یو ۱۲ میاشتنی ماشوم په پولیو ناروغۍ اخته شوی دی.د پولیو د له منځه وړلو لپاره د پاکستان د لومړي وزیر سلاکارې عایشه رضا فاروق وویل:« دا زړه بوږنوونکې خبره ده، چې پاکستاني ماشومان اوس هم د یوې داسې ناروغۍ له ګواښ سره مخامخ دي چې په اسانۍ سره د پولیو واکسین په مرسته یې مخه نیول کېدای شي.»سږ کال په پاکستان کې د پولیو ۲۶ قضیې راپور شوې، چې له ډلې یې ۱۵ په بلوچستان، اووه یې په سند، دوه یې په خیبر پښتونخوا او یوه یوه پېښه پنجاب او اسلام اباد کې ثبتې شوې دي.