د سي ای اې مشر اسراییل او امریکا ته سپارښتنه وکړه، چې د ایران پوځي وړتیا جدي ونیسي

رویټرز خبري اژانس راپور ورکړی، چې سټیفن جیمز هوبارډ په ایزیم ښار کې د اوکراین په سیمه ایز دفاعي واحد کې د خدمت کولو لپاره د میاشتې زر ډالر ترلاسه کول او له ۲۰۱۴ کال راهیسې هلته اوسیږي.

د دغه راپورنو له مخي، د ۲۰۲۲ کال د فبروري په مياشت کې کله، چې روسيې پر اوکراين بريد وکړ، نوموړي په دې سیمه کې د خدمت کولو لپاره نوم لیکنه وکړه او نظامي زده کړې يې تر لاسه کړې.

د روسیې دولتي خبري اژانس ریا خبر ورکړی، چې دغه ۷۲ کلن امریکايي د همدې کال په اپریل میاشت کې نیول شوی و او څه موده وروسته یې پر ده لګیدلي تورونه ومنل.

د هوبارډ کورنۍ د هغه په ​​اعتراف شک لري او وايي، چې هغه د روسیې پلوي نظر درلود او ښايي وسله یې نه وي کارولې.

تمه کیږي، چې د هغه وکیل به د محکمې د پریکړې په اړه استیناف غوښتنه وکړي.

د هغه خور او یو نژدې دوست هوبارډ يو بې طرفه کس بللی، چې په بېلابيلو هيوادونو لکه جاپان او قبرس کې یې د کلونو لپاره له خپلي کورنۍ جلا ژوند کاوه.

هغه له ۲۰۱۴ کال راهیسې اوکراین ته تللی او هلته یې له یوې اوکراینۍ ښځې سره یو څه وخت ژوند کړی؛ خو په روسي یا اوکرایني خبرې نه شي کولی.

سټیفن جیمز هوبارډ یو له هغو لسو امریکایانو څخه دی، چې د روسیې په زندانونو کې بندیان دي.

د هغه د اګست په لومړۍ نیټه، د روسیې او لویدیځو هیوادونو تر منځ د بندیانو له تبادلې نږدې دوه میاشتې وروسته ونیول شو.

په بیت المقدس او د اسراییلو په سویل کې مراسم او لاریونونه د سهار له شپږو بجو پیل شوي.

په بیت المقدس کې د اسراییل لومړي وزیر بنیامین نتنیاهو د کور بهر، شاوخوا ۳۰۰ کسان راټول شوي وو او د یرغمل شویو کسانو انځورونه یې په لاسونو کې لیږدول.

یووال بارون وویل:"موږ لاهم د ۲۰۲۳ کال د اکټوبر په ۷ مه کې د ترهګرۍ ، وېره ، قهر او نا امیدۍ په یوه نه ختمیدونکې ورځ کې بند پاتې یو ".

بارون وویل، چې خسر یې کیت سیګل په غزه کې یرغمل دی.
بارون همداراز وویل: "موږ غوښتل چې دا ورځ په ګډه پیل کړو؛ ترڅو خپل ځان، زموږ لومړي وزیر، او د اسراییل خلکو ته یادونه وکړو، چې دا د غم ورځ ده، بیا هم د یرغمل شویو بیرته راوستلو لپاره مقدس ماموریت شتون لري."

د اسراییل امنیتي ځواکونه د دوشنبې په ورځ په ټول هیواد کې د احتمالي امنیتي ګواښونو پر وړاندې د چمتوالي په حال کې وو.

د اسراییل د پوځ او پولیسو ځواکونه وايي، چې دا ورځ د اسراییل او فلسطین په جګړه کې د ترټولو خونړیو پېښو پیل و.

د راپورونو له مخې، ځینو فلسطینیانو چې اسراییل ته ننوتلو اجازه یې درلوده، په ګرځنده ټلیفونونو کې خبرتیاوې ترلاسه کړې چې دوی به د دوشنبې په ورځ اسراییلو ته د ننوتلو اجازه نه لري.

په غزه کې د اسراییل پوځ ویلي، چې د دوی الوتکو د حماس له خوا پلان شوی راکټي برید شنډ کړی دی.

د فلسطینی روغتیایی چارواکو په وینا، اسراییل په تېر یو کال کې شاوخوا ۴۲,۰۰۰ فلسطینیان وژلي او د ۲.۳ ملیون کسانو څخه ډېر کسان بې ځایه شوي دي.
د اسراییل لپاره، د فلسطیني اسلامپالې ډلې له خوا ناڅاپي برید د یو داسې هېواد لپاره ترټولو لویه امنیتي ناکامي وه، چې حکومت او خلک یې په پیاوړي، پرمختللي پوځ باندې ویاړي.
دا برید چې د اسراییل لپاره ترټولو وژونکې ورځ وه، د دې لامل شو، چې د ډیری وګړو د خوندیتوب احساس مات شي او په خپلو مشرانو یې باور کم شي.

د معلوماتو له مخې د پاکستان د پخواني لومړي وزیر او د تحریک انصاف ګوند مشر عمران خان سره د ګوند د غړو، وکیلان او د کورنۍ د غړو په لید کتو هم بندیز ولګېد.

د پاکستان جیونیوز د اډیاله زندان د سرچینو په حواله د دوشنبې په ورځ د (تلې ۱۶مه) په خپل راپور کې ویلي، چې په اسلام اباد کې د شانګهای همکاریو سازمان د غونډې په مناسبت د اډیاله زندان د امنیت د ټینګولو پرېکړه شوې ده.

د اډیاله زندان سرچینو ویلي، چې په دغه زندان کې له بندیانو سره پر لیدنو د بندیز لګولو پرېکړه د پنجاب حکومت کړې ده.

د پنجاب حکومت د پرېکړې له مخې، په یاد زندان کې د نورو عامو بندیانو سره پر لیدنو هم بندیز لګول شوی.

د پاکستان مرکزي حکومت د شانګهای همکاریو سازمان غونډې ترسره کېدو له امله په اسلام باد کې کلک امنیتي تدابیر نیولي.

دا په داسې حال کې ده، چې دوه ورځې مخکې د پاکستان تحریک انصاف ګوند غړو او پلویانو د دغه ګوند د بندي مشر عمران خان د خلاصون په پار لاریون وکړ.

تردې وړاندې په اسلام اباد کې د چین سفارت تایید کړې وه چې تېره شپه په کراچۍ کې په یوه «ترهګریز» برید کې دوه چینایي وګړي وژل شوي او یو ټپي دی.

دغه برید د یکشنبې شپه ۱۱ بجې د کراچۍ جناح نړۍوال هوايي ډګر ته څېرمه شوی.

د پاکستان د بهرنیو چارو وزارت په یوه خبرپاڼه ویلي، چې دغه برید د چین او پاکستان د ښو اړیکو د اغېزمنولو په موخه شوی.

د پاکستان لومړي وزیر شهباز شریف د دغه برید د غندلو تر څنګ ټينګار کړی چې د دغه هیواد د امنیتي ادارو څېړنې روانې او په کې ښکیلو کسانو ته به سخته سزا ورکړي.

د دغه برید مسوولیت بلوڅ بیلتون پالو منلی او دعوه یې کړې چې په یوه ځانمرګي برید کې یې چینايي انجنیرانو او د هغوی پاکستاني ساتوونکو ته یې د درنې مرګژوبله اړولې.

تر اوسه پورې د دغه برید د ډول په اړه نه ده څرګنده چې ایا دا ریښتیا ځانمرګی برید و او که نه.

د چین دولتي رسینو نن دوشنبه په اسلام اباد کې د چین سفارت له قوله ویلي، چې تېره شپه د پاکستان پر وخت د شپې ۱۱ بجې په کراچۍ کې د جناح نړۍوال هوايي ډګر ته څېرمه د چین (پورټ قاسم الیکتریک پاور کمپنۍ) پر انجینرانو برید شوی چې دوه چينايي وګړي په وژل شوي او یو ټپي دی.

د چین سفارت د برید د ډول په اړه څه نه دي ویلي، خو ویل کیږي چې برید دومره زورور و چې تر لرې سیمو پورې یې غږ رسیدلی دی.

د کراچۍ پولیس وايي، په دغه برید کې درې تنه وژل شوي او ۱۷ نور ټپیان شوي، خو دا یې نه دي ویلي چې وژل شوي او ټپي کسان کسان څوک دي.

چینايي رسنۍ په اسلام اباد کې د چین سفارت په حواله لیکلي چې په برید کې یو شمېر پاکستاني وکړي وژل شوي او ټپیان دي، خو د پاکستان کورنیو چارو وزارت لا په دې اړه څه نه دي ويلي.

د دغه برید مسوولیت بلوڅ بیلتون پالو په غاړه اخیستی او دعوه یې کړې چې په یوه ځانمرګي برید کې یې ګڼ شمېر هغه چينايي انجنیران او د هغوی ساتوونکي پاکستانیان وژلي دي چې د کراچۍ له هوايي راوتلي او پر لاره روان وو.

کراچۍ کې پولیسو ویلي، چې د یکشنبې په شپه له یوې لویې چاودنې وروسته اور لګېدلی او نږدې ۱۵ موټر په کې سوځیدلي دي.

اسلام اباد کې د چین سفارت د دغه برید غندنه کړې او ویلي چې پاکستاني امنیتي ادارې دې د دغه برید څېړنې وکړي او ښکیلو کسانو ته دې سخته سزا ورکړي.

دغه سفارت ټینګار کړی پاکسات دې د چینایي وګړو، بنسټونو او پروژو د خوندیتوب لپاره عملي او اغیزمن ګامونه واخلي.

د ۱۴۰۳ کال د وري په میاشت کې د خیبرپښتونخوا د شانګلې په بشام کې د یوه ځانمرګي برید له امله پنځه چینایي انجنیران ووژل شول او یو شمېر نور ټپيان شوي دي. د پاکستان امنیتي چارواکو ویلي وو، په دې پېښه کې بریدګر خپل موټربم ته د هغو چینایي انجنیرانو له موټر سره نږدې چاودنه ور کړه، چې داسو بند ته روان و.

په ۲۰۲۱ کال کې هم داسو بند ته څېرمه په یوه برید کې د نهو چینايي انجینرانو په ګډون ۱۳ کسان وژل شوي وو.