په کابل کې ځايي سرچینو پامیر سېنما ته څېرمه د چاودنې خبر ورکړی

سرچینې ویلي، چې په پېښه کې یې شپږ کسان په وینو لړلي لیدلي دي.

افغانستان انټرنشنل ته رسېدلي انځورونه ښيي، چې چاودنه یو ځای پر ځای شوي ماین کړې او دا سیمه پر لاسي کراچیو د پلورونکو ځای دی.

ځینو سرچینو ویلي، چې چاودنه د مقناطیسي ماین له امله شوې ده.

وسله والو طالبانو په دې اړه څه نه دي ويلي او نه هم تر اوسه کوم کس يا ډلې د دې چاودنې مسووليت پر غاړه اخيستى دى.

سرچینه زیاتوي، چې دغه پېښه د تذکرو د ادارې مخې ته شوې ده.