د طالبانو د چاپېریال ساتنې ادارې مشر مولوي مطیع الحق خالص وایي، افغانستان د نړۍ د پرمختللو او صنعتي هېوادونو د اقلیمي بدلون قرباني شوی او منفي اغېزې یې په مستقیم ډول د دغه هېواد په اقلیمي برخه کې د بدلون لامل ګرځېدلې دي.
هغه وایي، اقلیمي بدلون یوه نړۍواله موضوع ده.
نوموړي دغه څرګندونې تېره ورځ په جلال اباد ښار کې د اوبو، انرژۍ او خوړو پر اړیکو د اقلیمي بدلون د اغېزو په اړه یوې غونډې ته د وینا پرمهال کړې دي.ښاغلي خالص په خپلو خبرو کې زیاته کړې، چې اوسمهال له نړۍوالو مرستندویه بنسټونو سره همغږي ډېره شوې ده.د هغه په وینا، هڅه کېږي چې په ټولو ملي او نړۍوالو غونډو او کنفرانسونو کې د افغانستان بشپړه استازولي وشي.ورته مهال په ننګرهار ولایت کې د طالبانو مرستيال والي عزیزالله مصطفی هم په دغې غوڼده کې اقلیمي بدلون یو نړۍوال ګواښ بللی او په دې برخه کې يې د ګډو هڅو غوښتنه هم کړې.له بل پلوه یوناما وايي، د اقلیمي بدلون په ناستو کې چې د ملګرو ملتونو لهخوا جوړېږي باید د افغانستان د خلکو غږ هم واورېدل شي.یوناما (د تلې په ۲۵مه) په اېکس پاڼه لیکلي و:« له هغه ځایه چې افغانستان د اقلیمي بدلون له پلوه سخت اغېزمن شوی؛ نو په کار ده، چې د اقلیمي بدلون په نړۍواله ناسته کې هم له افغانستانه استازی وروبلل شي.»په پام کې ده، چې د ملګرو ملتونو د اقلیمي بدلون ۲۹م کنفرانس چې د «کوپ ۲۹» په نامه هم یادېږي، د روان کال د نومبر په میاشت د اذربایجان په پلازمېنه باکو کې جوړ شي.
د طالبانو ارګ اېکس پانې لیکلي، چې مولوي کبیر دا څرګندونې د پنجشنبې په ورځ (د لړم درېیمه) د طالبانود کډوالو او راستنېدونکو چارو وزارت له خوا یوې جوړې شوې غونډې ته وکړې.
مولوي کبیر وویل: « په افغانستان کې د بهرنیو اشغال او جګړې ګاونډیو او نورو هېوادونو ته د ګڼ شمېر افغانانو د کډوالۍ لامل شوې دي.»
مولوي کبیر وایي، چې طالبان هڅه کوي د لویو پروژو په پیلولو سره، افغانان نور د فقر له امله کډوالۍ ته مجبوره نه شي او په بهر کې مېشت افغانان خپل هېواد ته راستانه شي.
مولوي کبیر دا څرګندونې په داسې حال کې کوي، چې هره ورځ لسګونه افغانان پر ناقانونه لارو له افغانستانه وځي. د راپورونو له مخې د دغې ډلې له واکمنېدو وروسته اته میلیونه افغانان له هېواده وتلي دي.
تېره اونۍ، د راپورونو له مخې ایراني پوځیانو د افغانستان او پاکستان په پوله کې له ۲۶۰ څخه دیر افغانان په ډزو ویشتي چې په اړه یې په کور د ننه او بهر کې توند غبرګونونه راپاریدلي دي.
د طالبانو د کډوالو او بېرته راستنېدونکو چارو وزارت وايي، چې شاوخوا ۸۰ زره افغانان له پاکستانه، ۱۰ زره له ترکیې او پنځه لکه او ۵۰ زره کډوال له ایرانه په زور او خپله خوښه راستانه شوي دي.