طالبان: له ایران او پاکستانه تر ۲۲۰ زیاتې کورنۍ په جبري توګه هېواد ته ستنې کړل شوې دي
د طالبانو تر واک لاندې باختر اژانس په خپل تازه راپور کې ویلي، چې پرون له دوو ګاونډیو هېوادونو څخه ۲۲۴ کورنۍ په جبر او خپله خوښه هېواد ته راستنې شوې دي.
د طالبانو تر واک لاندې باختر اژانس په خپل تازه راپور کې ویلي، چې پرون له دوو ګاونډیو هېوادونو څخه ۲۲۴ کورنۍ په جبر او خپله خوښه هېواد ته راستنې شوې دي.
دغه کورنۍ د کندهار، تورخم، اسلام کلا او د ورېښمو پله له لارې راستنې ګړل شوې دي.
په راپور کې راغلي، چې په راستنو شویو کورنیو کې ۳۰ یې د تورخم، ۲۲ یې د سپین بولدک، ۶۵ یې د ورېښمو پله او ۱۰۷ کورنۍ د هرات د اسلام کلا له لارې راستنې شوې دي.
باختر اژانس لیکلي، چې د راستنو شویو کډوالو سره د مرستندویه بنسټونو لهخوا مرستې شوې او یو شمېر یې خپلو اصلي سیمو ته لېږدول شوې دي.
په دې وروستیو کې د ایران او پاکستانه د افغان کډوالو د اېستلو لړۍ چټکه شوې؛ خو د اېستل شویو کډوالو شمېر ته په کتو همدومره نور افغانان د وزګارتیا او د طالبانو لهخوا د بندیزونو او زور زیاتي له امله په قاچاقي او ستړو لارو هره ورځ له هېواده وځي.
د ځینو راپورونو له مخې، په افغانستان کې د طالبانو له واکمنۍ را په دې خوا د دغه هېواد شاوخوا اته مېلیونه خلک نورو هېوادونو ته تللي دي.
هغو افغان کډوالو چې په همدې موده کې ګاونډیو هېوادونو ته پنا وړې، پر طالبانو تور پورې کوي چې د دوی له حقونو ننګه نه کوي او دوی په کوربه هېوادونو کې د پولیسو له ځورول کېږي او د هغوی ټول بشري حقونه تر پښو لاندې کېږي.
تېره اونۍ کله چې د ایران او پاکستان پر پوله ۳۰۰ افغان کډوال د ایران د پوله ساتو ځواکونو لهخوا په نښه شول او د ځینو راپورونو له مخې چې په دغه برید کې شاوخوا ۲۶۰ کسان مړه او ټپیان شوي وو، طالبانو یې په اړه په ځنډ غبرګون وښود.
دغې ډلې د دغې پېښې د څېړلو په اړه د یو لوړ پوړپوړي پلاوي د ګومارلو خبره هم وکړه؛ خو تر دې مهاله دغه پلاوي د خپلو هڅو او څېړنو په اړه هېڅ مالومات نه دي وړاندې کړي.
