حنیف اتمر: پر ایران د اسراییل بریدونه له ملي حاکمیت او نړیوالو قوانینو ښکاره سرغړونه ده

د افغانستان د پخواني حکومت بهرنیو چارو وزیر وايي، پر ایران د اسراییل بریدونه د دغه هېواد له ملي حاکمیت او نړيوالو قوانینو ښکاره سرغړونه ده. محمد حنیف اتمر په اېکس کې لیکلي: « سیمه له بې ثباتۍ او خطرناکې جګړې سره مخ ده»
د افغاسنتان د بهرنیو چارو وزارت پخوانی وزیر محمد حنیف اتمر نن شنبې «د لړم۵مه» په خپله خواله رسنۍ اېکس کې پر ایران د اسراییل د تېرې شپې برید په اړه غبرګون ښودلی دی.
اتمر په دې یادښت کې د برېکس وروستۍ غونډو د پرېکړو یادونه کړې ده او لیکلي دي، چې دوه ورځی مخکی د بریکس سازمان د ۳۶ هیوادونو د مشرانو په حضور کی په غزه کی قتل عام او په لبنان کی د اسراییل بریدونه په وغندل او د بېړنۍ اوربند او د بشردوستانه قوانینو منلو ترڅنګ د بې ثباتۍ څخه د مخنوي غوښتونکي شول.
ښاغلي اتمر د ایران له خلکو او دولت سره د خپلې نه ستړې کېدونکې خواخوږۍ او پیوستون اعلان وکړ.
هغه هېله وښوده، چې سوله خوښونکې نړۍ به نړیوالو قوانینو ته ژمن او دا بې رحمانه او خطرناکه عمل په کلکه غندي او پر وړاندې به یې ودریږي.
