د شمالي کوریا د بهرنیو چارو وزیره مسکو ته رسېدلې خو پوتین یې د لیدو پلان نه لري

د جرمني د بهرنیو چارو وزیرې انالینا باربوک په تهران کې خپل سفیر مارک پوتزل د سلامشورو لپاره برلین ته بللی.
باربوک ویلي، چې شارمهد له دوبۍ نه ایران ته تښتول شوی و او له عادلانه محاکمې پرته په زندان کې وساتل شو او وروسته ووژل شو.
د جرمني د بهرنیو چارو وزیره وايي، دوی تهران ته دا پیغام رسولی و چې د نوموړي اعدام به ایران ته بدې پایلې ولري.
باربوک د شارمهد له اعدام وروسته وویل، « دا ښيي چې په تهران کې څه ډول بې رحمه رژیم واکمن دی. یو داسې رژیم چې له خپلو ځوانانو، خلکو او بهرنیو وګړو سره په مرګ چلند کوي».

د ایران قضایه ځواک ددوشنبې پر ورځ د جمشید شارمهد د اعدام خبر ور کړ.
نوموړی د ۲۰۲۳ کال په پسرلي کې د یوې جنجالي محاکمې په پایله کې د ترهګرۍ د تورونو له امله په اعدام محکوم شوی و.
د نوموړي د کورنۍ غړو او د بشري حقونو سازمانونو پر هغه لګول شوي تورونه رد کړي دي.
د جرمني لومړي وزیر اولاف شولڅ هم دغه اعدام غندلی دی.

له خیبرپښتونخوا څخه سرچینو افغانستان انټرنشنل پښتو ته نن دوشنبه د (لړم اومه) وويل چې د خیبرپښتونخوا کورمې ولسوالۍ په چارخيل سيمه کې د پاکستان پوله ساتو ځواکونو پر کاروان بريد شوی چې په پایله کې دوه عسکر وژل شوي او په سيمه کې جګړه روانه ده.

تر اوسه پورې پاکستاني امنیتي سرچینو په اړه رسمي څه نه دي ويلي.

ها خوا په سوېلي وزيرستان تيرازه سيمه کې وسلوالو څلور ولسي کسانپه ډزو وژلي او وسله وال له سیمې تښتېدلي دي.

په سيمه کې ځايي پوليس مشر فرمان الله وردګ وايي، چې دغه کسان د شپې هغه مهال وسله والو ووژل چې واڼه بازار ته پر لاره وو.

د دغو دواړو پېښو په اړه وسله والو ډلو څه نه دي ويلي.

په سیمه کې خبریال لال وزیر وايي، چې په دې وروستیو کې په قبایلي سیمو د وسله والو له لوري جګړې، چاودنې او پر ولسي خلکو بریدونه زیات شوي او حکومت یې په مخنیوي کې پاتې راغلی.

په دې ورستيو کې د خیبرپښتونخوا په کورمه، لکي مروت، ډیره اسماعیل خان، لوی وزیرستان، ټانګ، بنو او یو شمېر نورو سیمو کې امنیتي حالت تر پخوا زیات ترینګلی شوی او د ډیرو بریدونو مسوول هم نه دی څرګند چې څوک یې کوي.

تېره ورځ د پاکستان حکومت د یو شمېر قبایلي سیمو په اړه خپلو کارکونکو ته د یوه رسمي لیک لارې سپارښتنه کړې چې له بې ضرورته سفرونو دې په دغو سیمو کې ډډه وکړي.

د پاکستاني رسنیو د راپورونو له مخې، د پاکستاني مخابراتي شرکت (پي ټي سي اېل) درې تنه کارکونکي تېره ورځ د خیبر پښتونخوا ایالت په شمالي وزیرستان کې د وسله والو له لوري برمته شوي دي.

رسنیو د امنیتي او ځايي سرچینو په حواله لیکي، چې یاد درې کسان د شمالي وزیرستان د میران شاه له یوه کلي څخه برمته شوي او نامعلوم لوري ته وړل شوي دي.

رسنیو د برمته شویو حکومتي کارکونکو هویت هم په ډاګه کړی دی او د برمته شویو کسانو نومونه یې حضرت جابر، صادرالله او ګل زادین ښودلي دي.

خو تر دې دمه د پاکستان حکومت د یادو کسانو د برمته کې‍دو په اړه څه نه دي ویلي او نه هم کومې ډلې د یادو کسانو د برمته کولو مسوولیت په غاړه اخیستی.

رسنیو لیکلي، چې په ډيره اسماعیل خان کې د امنیتي وضیعت په خرابیدو سره ځايي امنیتي مسوولانو دولتي کارکونکو ته د ځان ساتني په اړه رسمي بیان خپور کړی.

په دغه بیان کې حکومتي کارکونکو ته ویل شوي، چې ځینې وسله والې ډلې غواړي دولتي کارکونکي برمته کړي.

د ډيره اسماعیل خان ځايي امنیتي چارواکو له دولتي کارکونکو غوښتي، چې بې ضرورته سفرونو دې ډډه وکړي او د خپل تګ راتګ او ورځني مهال ویش په اړه دې له چا سره معلومات نه شریکوي.

د سعودي عربستان د کورنیو چارو وزارت د یکشنبې پر ورځ (د لړم۶ مه) اعلان وکړ، چې د تیرې یوې اوونۍ کمپاین په ترڅ کې ۲۰ زره او ۸۹۶ سرغړونې ثبت شوې چې له دېډلې ۱۱ زره ۹۳۰ یې د استوګنې، پنځه زره او ۶۴۹ یې د سرحدي امنیت او درې زره او ۳۱۷ نورې یې د کار د قوانینو اړوند سرغړونې دي.

چارواکي وايي، د دغه کمپاین په ترڅ کې یې ۱۳سوه او ۷۴ کسان نیولي چې په ناقانونه توګه یې د دغه هېواد خاورې ته د ننوتو پلان درلود. د چارواکو په وینا په دغو کسانو کې ۴۳ سلنه یې د یمن او ۵۵ سلنه یې ایتوپیایان دي.

د سعودي عربستان د کورنیو چارو وزارت هم اعلان کړی، چې ۱۰۷ تنه په داسې حال کې نیول شوي، چې غوښتل یې له اجازې پرته له هېواده ووځي.

دغه وزارت ویلي چې ۲۴ سعودیان هم کډوالو ته د غیر قانوني استوګنې برابرولو او کارموندنې په تور نیول شوي.

وزارت خبرداری ورکړی، چې له غیرقانوني داخلېدو سره مرسته کول او له مجرمانو او "غیرقانوني کډوالو" سره همکاري جرم دی او مجرم کسان تر ۱۵ کلونو پورې بند او تر یو ملیون ریال پورې جریمې سره مخکیدای شي.

د سعودي عربستان له ګاونډیو هېوادونو ډېر کډوال له ویزې پرته دغه هېواد ته د کار موندلو په موخه ننوځي.

د سعودي عربستان د کورنیو چارو وزارت وخت په وخت د دې غیر قانوني کډوالو د پیژندلو او شړلو لپاره د څارنې ډلې مکلفوي.

د راپورونو له مخې، په خیبر پښتونخوا ایالت کې د پولیو ضد واکسین پنځه ورځني کمپاین لپاره چمتوالی بشپړ شوی او ټاکل شوې چې سبا د دوشنبې په ورځ د (لړم اومه) نېټه پیل شي.

د پولیو ضد واکسین په دوه پړاونو کې پیلیږي، په لومړي پړاوړ کې به په بنو، شمالي او جنوبي وزیرستان، مردان او کوهاټ په ګډون په ۳۳ ولسوالیو کې ترسره شي.

د راپورونو له مخې د پولیسو ضد واکسین په دغې دوره کمپاین کې به له پنځو کلونو کم عمره ۷،۲ میلیونه ماشومانو ته د پولیو ضد واکسین څاڅکو ترڅنګ د بدن د مقاومت د لوړوالي په موخه د ویټامین اې اضافي خواړه هم ورکړل شي.

په خیبر پښتونخوا ایالت کې د پولیو ضد واکسین کمپاین لپاره له څلویښت زره څخه ډیر د واکسین ورکولو ډلې جوړې شوې او د یادو کسانو د امنیت ساتلو لپاره له اته زره څخه ډیر سیمه ییز مسولان او ۵۰ زره امنیتي ساتوونکي ځانکړي شوي دي.

په روان کال کې تر اوسه پورې په پاکستان کې ۴۰ د پولیو مثبتې پېښې ثبت شوي دي.

له دې جملي څخه ۲۰ په بلوچستان ایالت، ۱۲ په سند ایالت، شپږ په خیبر پښتونخوا ایالت او یوه یوه په پنجاب او اسلام اباد کې ثبت شوې دي.