په برېتانیا او اروپا کې د عمران خان ارتباطي کس او د پاکستان د تحریک انصاف ګوند بنسټ اېښودونکي غړي له پاکستاني الاصله امریکایانو غوښتي، چې د امریکا په ولسمشریزو ټاکنو ډونالډ ټرمپ ته رایه ورکړي.
صاحب زاده جهانګیر پر خپلې اېکس پاڼې کاږلي: «د نومبر په پڼځمه د متحده ایالاتو ولسمشرۍ ټاکنو کې زه له ټولو پاکستاني الاصله امریکایانو، د تحریک انصاف له پلویانو او د عمران خان له خواخوږو څخه غواړم، چې د جمهوري غوښتونکو نوماند ډونالډ ټرمپ ته رایه ورکړي.»
ښاغلي جهانګیر ویلي، چې ټرمپ په خپلې تېره دوره کې له پاکستان سره په «عزت او وقار» چلند کړی دی.
جهانګیر د ټرمپ د بریا په اړه وویل: «د هغه بریا د سوله ییزې نړۍ لپاره مهمه ده.»
