د بریټانیا لومړي وزیر ټرمپ ته د هغه د بري مبارکي ویلې

د بریټانیا لومړي وزیر کې‌یر سټارمر ډونالډ ټرمپ ته د امریکا په ټاکنو کې د بري په موخه مبارکي ورکړه. هغه پر اېکس پاڼه لیکلي:« منتخب ولسمشر ډونالډ ټرمپ ته په ټاکنو کې د تاریخي بریا مبارکي وایم.»

هغه زیاته کړې:« زه په راتلونکو کلونو کې ستاسو سره کار کولو ته سترګې په لار یم.»
نوموړي دغه راز د ټرمپ بری یو «تاریخي بری» بللی دی.
هغه وړاندې کاږلي:« موږ به د نږدې متحدینو په توګه د خپلو ګډو ارزښتونو د ازادۍ، ډیموکراسۍ او سوداګرۍ په دفاع کې اوږه په اوږه ولاړ اوسو.»