د جرمني بهرنیو چارو وزیره:جرمني به د امریکا د راتلونکي دولت باورمن او پیاوړی ملګری پاتې شي
د جرمني د بهرنیو چارو وزیره انالینا بایربوک وايي، چې په امریکا کې له ټاکنو وروسته د برلین شریکانو ته روښانه پیغامونه تر بل هر وخت مهم دي.
د جرمني د بهرنیو چارو وزیره انالینا بایربوک وايي، چې په امریکا کې له ټاکنو وروسته د برلین شریکانو ته روښانه پیغامونه تر بل هر وخت مهم دي.
بایربوک وايي، چې دا د جرمني د خلکو دازادۍ او هوساینې لپاره مهم دي.
د جرمني د بهرنیو چارو وزارت د رپوټ له مخې، بایربوک وویل، چې «جرمنی به د امریکا د راتلونکي دولت یو پیاوړی او اعتبار وړ ملګری وي، یو شریک او ملګری او دا زموږ وړاندیز دی».
هغه وايي، اوس له اتلانتیک بهر مشارکت مهم دی، په داسې وخت کې چې استبدادي حکومتونه د نړیوال سیسټم په سیالیو کې د واک لپاره له ولسواکیو سره په جګړه کې دي او په دې توپاني شرایطو کې عمل ته اړتیا ده.
بایربوک دا څرګندونې داسې مهال کوي، چې په برلین کې درې ګوندیز ایتلاف مات شوی او ټاکل شوې اولاف شولڅ په راتلونکې جنوري میاشت کې له پارلمان نه د اعتماد رایه واخلي.
د جرمني د خبري اژانس د رپوټ له مخې، سره له دې چې ازاد ډیموکراټیک ګوند له ایس پې ډې ګوند سره له ایتلاف نه وتل اعلان کړي، ددغه ګوند د ټرانسپورټ وزیر فولکر ویسینګ اعلان وکړ، چې خپل ګوند پریږدي او د وزارت پر څوکۍ پاتې کیږي.
