د پاکستان دفاع وزير ته د طالبانو ځواب: « پاکستان دې خپل مسوولیت زموږ په غاړه نه اچوي»

په کابل او هند کې د افغانستان د ډېپلوماتیکو سرچینو نن دوشنبې «د لړم۲۱مه» وویل چې د طالبانو له خوا درې تنه ډېپلووماټان ۱۴ ورځې وړاندې معرفي شوي دي.

په کابل کې د طالبانو سرچینې وايي چې دوی درې تنه ډېپلوماټان معرفي کړي خو دوی په تمه دي، چې د هند حکومت په دې اړه اقدام وکړي او د طالبانو تازه معرفي شوي ډېپلوماټ ومني.

په قطر کې د طالبانو د سیاسي دفتر مشر سهیل شاهین زوی نجیب شاهین اوس مهال د طالبانو تر واک ولاندې بهرنیو چارو وزارت کې دنده لري.

د طالبانو د بهرنیو چارو وزارت له خوا معرفي درې تنه ډېپلوماټان ټول طالبانو غړي دي او په بهرنیو چارو وزارت کې کومه کاري سابقه نه لري.

په هند کې د افغانستان ډېپلوماتیکي سرچینو افغانستان انټرنشنل ته وویل چې هندوستان به ډېر ژر د طالبانو درې تنه معرفي شوي ډېپلوماټان ومني.

د رارسېدو معلوماتو په بنسټ اوس مهال یوازې د هند په حیدراباد ښار کې د افغانستان کونسلګرۍ کې یوه سابقداره ډېپلوماټ سید محمد ابراهیمخېل پر دنده دی او نور پخواني د جمهوریت ډېپلوماټان له هندوستان څخه وتلي دي.

په هند کې سرچینې وايي د طالبانو له لوري معرفی شوی ډېپلوماټ اکرام الدین کمیل د هند ممبۍ ښار کې د افغانستان په کونسلکرۍ کې عملا کار پیل کړی دی او ټول واک یې په خپل لاس کې اخیستی دی.

د سنډې ګارډین په یوه راپور کې چې د یکشنبې په ورځ خپور شو، ویل شوي چې نوی ډیلی په پام کې لري له طالبانو سره د ډېپلوماتیکو اړیکو د پراخولو په برخه کې د یوه مهم ګام په توګه په هند کې د دې ډلې استازی ومني.

د سنډې ګارډین ورځپاڼې د راپور له مخې، طالبانو اکرام الدین کامل ته په ممبی کې د افغانستان په کونسلګرۍ کې د دویم سکرتر دنده په پام کې نیولې ده.

په هندوستان کې د سفارت ترڅنګ دوه کونسلګرۍ په ممبۍ او حیدراباد ښارونو کې فعالیت لري.

څو ورځې وړاندې کابل ته د هند د بهرنیو چارو وزارت د افغانستان، پاکستان او ایران د برخې د مشر جې پي سینګ وروستی سفر له طالبانو سره د نوي ډیلي د اړیکو د مخ پر ودې پرمختګونو ښکارندویي کوي.

په دې وروستیو ورځو کې جي پي سنګ او د طالبانو د دفاع او بهرنیو چارو وزیرانو په کابل کې جلا جلا کتنې وکړې چې د دوه اړخیزو اړیکو پر پراختیا یې ټینګار کړی.

د طالبانو د نوي ډ‌ېپلوماټانو د منلو او یا هم د نه منلو په اړه تروسه هندي چارواکو څه نه دي ویلي.

د طالبانو امربالمعروف وزارت په لوګر کې د «اخلاقي فساد» په تور د نیولو شویو کسانو د هویت، بند او سزا په اړه نور جزيات نه دي ورکړي.

د طالبانو د امربالمعروف وزارت محتسبانو، چې د امربالمعروف د قانون له مخي د خلکو د نیولو تر څنګ يې ډېر واکونه تر لاسه کړي په ټول افغانستان کې يې په بېلابيلو تورنو د نارينه او ښځو نیولو ته دوام ورکړی.

د راپورونو له مخې، د طالبانو د امربالمعروف وزارت تېره اوونۍ په کابل، فراه او کندهار ولایتونو کې د دوو ښځو په ګډون ۱۱ کسان د «اخلاقي فساد» په تور نیولي وه.

تر دې مخکې د طالبانو امربالمعروف وزارت ويلي وه، چې د دغه وزارت محتسبان «شپه او ورځ هڅه کوي، چې په ناروا او غیر اخلاقي اړیکو کې ښکېل کسان ونیسي او د قانون منګولو ته یې وسپاري.»

ملګرو ملتونو او نړیوالو بشري سازمانونو له دې وړاندې هم طالبان له بشري حقونو په سرغړونو تورن کړي او ویلي یې دي، چې هیڅ ډول انساني کرامت په پام کې نه نیسي، خو طالبان ادعا کوي چې تر نورو وختونو یې په ښه ډول د خلکو حقونه ورکړي دي.

په کنبیرا کې د افغانستان سفارت د دوشنبې پر ورځ (د لړم ۲۱ مه) په یوه خبرپاڼه کې اعلان وکړ، چې طالبان د کورني او بهرني مشروعیت د نشتوالي له امله حتا له افغانستان نه بهر هم د افغانانو ځورولو ته دوام ورکوي او هڅه کوي په نورو هیوادونو کې میشتو افغانانو ته نوې ننګونې پیدا کړي.

په خبرپاڼه کې دا نه دي روښانه شوي، چې طالبانو په استرالیا کې د افغانستان د سفارت کونسلي خدمتونو د ګډوډولو لپاره څه ډول فشار راوړی و.

خو له دې وړاندې د طالبانو د بهرنیو چارو وزارت ويلي و، چې له هغو سفارتونو او کونسلګریو پرته چې له دغه وزارت سره اړیکې لري، د افغانستان د نورو سیاسي استازولیو اسناد د اعتبار وړ نه دي.

د طالبانو بهرنیو چارو وزارت په استرالیا کې د افغان سفارت د نوې خبرپاڼې په اړه غبرګون نه دی ښودلی.

د خبرپاڼې په یوه بله برخه کې راغلي: «موږ په استرالیا کې میشتو افغانانو ته ډاډ ورکوو، چې د دغه سفارت کونسلي فعالیتونه به له هر ډول مداخلې پرته دوام وکړي او کارکوونکي به یې د کونسلي خدمتونو په وړاندې کولو او د هېوادوالو د اندیښنو په اواري کې په پوره توان او ثبات سره بوخت وي.»

په دې غونډه کې د طالبانو ترڅنګ د سریلانکا، بوتان، پاکستان، مالدیف او نیپاله هېواد استازو کډون کړی و.

د هند ځايي رسنۍ دې هندو په رپوټ کې راغلي، چې په کلنۍ شورا کې حاضرو طالب چارواکو پوښتنو ته له ځواب ویلو ډډه وکړه خږ د سیمه ایزو همکاریو د سویلي اسیا ټولنی «سارک» ۷ نورو هېوادونو مخباراتي ادارو مسوولینو په دې غونډه کې خبري کړي دي.

د دوی د رپوټ له مخې د طالبانو تر واک لاندې د افغانستان د مخابراتو د تنظیم د ادارې (اترا) رییس سید برات شاه اغا ندیم، د مخابراتو د څار او کنټرول رییس صبغت الله اندړ او د پروټوکول غړی روح الله ریحان په دې غوڼده کې کډون کړی و.

څو ورځې وړاندې کابل ته د هند د بهرنیو چارو وزارت د افغانستان، پاکستان او ایران د برخې د مشر جې پي سینګ وروستی سفر له طالبانو سره د نوي ډیلي د اړیکو د مخ پر ودې پرمختګونو ښکارندویي کوي.

په دې وروستیو ورځو کې جي پي سنګ او د طالبانو د دفاع او بهرنیو چارو وزیرانو په کابل کې جلا جلا کتنې وکړې چې د دوه اړخیزو اړیکو پر پراختیا یې ټینګار کړی.

نوموړې وایي، چې د طالبانو او القاعدې ترمنځ نږدې اړیکو ته په پام، دا بودجه په غیر مستقیم ډول القاعده او د هغې امریکاضد دریځونه پیاوړي کولای شي.

سارا ادمز استدلال کوي چې له القاعدې او په دې ډلې پورې تړلو جنګیالیو او طالبانو ترمنځ د اړیکو له تثبیت سره سره دې ډلې ته ۱۰ میلیونه ډالره میاشتنۍ بودجې د طالبانو مشرتابه پیاوړې کړې ده.

ادمز د القاعدې د مشرانو او طالب مشرانو ترمنځ کورنیو اړیکو او خپلمنځي ودونو ته په پام وايي، چې ددې ډلې ملاتړ ګواښناک دی.

هغه وایي، د ملا برادر لور ملا یعقوب ته او د ملا یعقوب خور حمزه بن لادن ته ناسته ده.

نوموړې د امریکا نوي ولسمشر ډونالډ ټرمپ ته وړاندیز کړی، چې د ۲۰۰۱ کال دسپټمبر ۱۱مې په څېر یوې بلې پېښې له رامنځته کېدو وړاندې له طالبانو سره پر مرستو بیا کتنه وکړي.

د سي آی اې دغه پخوانۍ ماموره په ۲۰۲۱ کال کې له افغان ځواکونو د امریکا هوایي، تسلیحاتي او تدارکاتي ملاتړ کمېدو ته په اشاره وايي، دې چارې د طالبانو بري ته لاره يرانېسته اوپایله دا شوه، چې افغانستان د بن لادن کورنۍ او اړوندو جنګیالیو په پوځي مرکز بدل شي.

ادمز پر خپل اېکس لیکلي، «موږ نه یوازې افغانستان طالبانو ته په لاس ورکړ، بلکې بن لادنانو ته مو وسپاره».

دغه پخوانۍ امریکايۍ ماموره وايي، چې طالبان له ترهګرۍ سره مبارزه کې له واشنګټن نه منظمه بودجه اخلي خو په بدل کې یې هیڅ «عملي معلومات» نه دي وړاندې کړي.

سارا ادمز وايي، کابل ته په اونۍ کې د ۴۰ میلیونو ډالرو برعکس چې خلکو ته ویل کیږي، ۸۷ میلیونه ډالر استول کیږي ، چې د پخوا په پرتله دوه برابره شوي. هغه وايي، دې دا خبرې ډاګیزې کړې دي او دا یې هم د کانګرس غړو ته ویلي، چې څه ډول له دې مرستو نه ۱۱۰ میلیونه ډالره په افریقا کې د القاعدې جنګیالیو ته رسېدلې دي.

سارا ادمز له دې وړاندې هم د روان کال د اګست میاشتې په وروستیو کې په «ریزیلېنټ» خپرونه کې ویلي و، چې طالبان له امریکا نه د بشري مرستو تر څنګ هرځل، ۴۷ میلیونه ډالر له ترهګرۍ سره د مبارزې لپاره هم ترلاسه کوي.