د افغانستان د ۱۹کلنو کرېکټ ملي لوبډله نن د پاکستان ۱۹کلنو ملي لوبډلې پر وړاندې لوبه کوي
د افغانستان د ۱۹کلنو ملي لوبډله د درې اړخیزو سیالیو په لومړۍ لوبه کې نن د پاکستان د ۱۹ کلنو ملي لوبډلې پر وړاندې د لوبو ډګر ته ښکته کېږي.
د افغانستان د ۱۹کلنو ملي لوبډله د درې اړخیزو سیالیو په لومړۍ لوبه کې نن د پاکستان د ۱۹ کلنو ملي لوبډلې پر وړاندې د لوبو ډګر ته ښکته کېږي.
دغه لوبه نن د کابل په وخت د سهار په ۱۰بجو د متحده عربي اماراتو په کوربهتوب ترسره کېږي.
دغه درې اړخیزې سیالۍ د افغانستان، پاکستان او متحده عربي اماراتو ترمنځ ترسره کېږي.
دغه درې اړخیزې لوبې به د راروانې لېندۍ میاشتې تر شپږمې نېټې دوام وکړي.
تېره ورځ هم د افغانستان کرېکټ بورډ پر اېکس پاڼه دغو سیالیو لپاره د دغې لوبډلې د تمرین عکسونه خپاره کړي وو.
د افغانستان کرکټ بورډ لهخوا د دغو لوبو لپاره په خپور شوي نوملړ کې محبوب تسکین (لوبډلمشر)، عزیز خان، فیصل خان، برکت، عزت بارکزی، عزیز میاخېل، حمزه علي خېل، نظیف امیري، عبدالعزیز، نصرت الله نورستانی، خاطر ستانکزی، فهیم، حفیظ ځدراڼ، الله محمد عضنفر او د نظیر معروف نومونه راغلي دي.