سراج الدين حقاني: د اسلامي نظام بقا او پرمختګ د خلکو په مستقيمه همکارۍ پورې تړلی

د طالبانو د بدخشان د امنيې قوماندانۍ له نشه يي توکو سره د مبارزې مدير شفيق الله حفیظي وویل چې نیول شوي ٣١ تنه د نشه يي توکو پر وړاندې د مبارزې رياست ته لېږدول شوي او د څېړنو لپاره د بدخشان ښار ابتدايه محکمې ته وسپارل شي ترڅو دوسیې پرمخ لاړې شي.

حفیظي وايي چې له نیول شوو کسانو سره د ترياکو پر تخمونو سربېره د ٢٤ موبايلونو په ګډون يو شمېر مخابراتي وسايل هم نيول شوي دي.

طالبان وايي چا ته به اجازه ورنه کړي چې په خپلو ځمکو کې د کوکنارو کښت وکړي او دوی هڅې کوي ترڅو د دې نشه یي توکو د قاچاق او پلور مخه ونیسي.

د طالبانو له دې سختو بندیزونو سره سره بیا هم د بدخشان ځیني ځايي اوسېدونکي په خپلو کروندو کې د کوکنارو کښت ته مخه کړې او د طالبانو د مشر د فرمان پرضد ودریږي.

د روان کال د جنګاښ په میاشت کې د بدخشان د درایم او ارګو ولسوالیو اوسېدونکي د طالبانو پرضد لاریونونه وکړل او دغه لاریونونه په تاوتریخوالي واوښتل چې یو شمیر ځايي لاریونوال د طالبانو له خوا په ډزو ووژل شول.

دغه لاریونونه له هغه وروسته پیل شول، چې طالبانو د بدخشان په ارګو او درایم ولسوالیو کې د ځايي خلکو د کوکنارو د کښتونو اړولو هڅه وکړه.

واک ته د طالبانو له رسېدو څو میاشتې وروسته د طالبانو مشر ملا هبت الله اخوندزاده د یو فرمان له مخې، د تریاکو پر کر، پېر او پلور بندیز ولګاوه.
که څه هم طالبان په افغانستان کې د تریاکو د کر مخنیوی یوه لویه لاسته راوړنه بولي؛ خو دغه ډله نه ده توانېدلې، چې کرونده‌ګرو ته د کوکنارو د کر بدیل پیدا کړي.

د دې راډيو د شنبې ورځې یوه خبر کې لیکلي، له یو شمېر هغو افغان زندانيانو سره یې خبرې شوې، چې د پاکستان «وروستيو لاريونونو کې نيول شوي.»

راډيو دغه نيول شوي کسان هغه افغانان معرفي کړي، چې په پاکستان کې د اوسېدولو سندونه نه لري.

راډيو په خپل خبر کې لیکلي، چې ناقانونه افغانانو ته په لاريونونو کې د تاوتريخوالي د جوړېدو لپاره پيسې ورکول شوې دي.

دوی د بیت الله په نوم د یوه نیول شوي لاريونوال له قوله لیکلي:«په لاريونونو کې مو پر پولیسو او رینجرونو ډزې وکړې.»

په خبر کې راغلي، چې د ابرار الحق په نوم يو بل نیول شوي کس ويلي: «د خیبر پښتونخوا د وزیر اعلی له خوا له دوه تر درې زره کالدارې ورکول شوې، چې پر امنیتي کسانو ډزې وکړي.»

د پاکستان راډیو د معلوماتو له مخي، نورو زندانیانو هم ورته اعتراف کړی.

راډيو په خپل خبر کې زياتوي، چې په وروستيو لاريونونو کې په اسلام اباد کې يو شمېر پوليس هم ټپيان شوي دي.

د یوولس کلن ابراهیم کورنۍ وايي دا پېښه هغه وخت رامنځته شوه، چې د واده د ورا له یوه موټر ابراهیم پلاستکي ګل شکولی و.

یو شاهد وویل:« د ګل د شکولو سره د عارف په نوم طالب له موټره ښګته شو او تومانچه یې د ابراهیم پر خوله کېښوده او څو ډزې یې پرې وکړې.»

د ابراهیم کورنۍ له افغانستان انټرنشنل سره د وژل شوي ماشوم ابراهیم هغه انځورونه شریک کړل، چې له وژل کېدو وروسته یې اخیستل شوي دي.

په دغو انځورونو کې ابراهیم په سرو وینو ککړ ښکاري او پړمخ پر ځمکه پروت دی.

وژل شوی ماشوم هم د پکتیکا د سر حوزهاوسېدونکی دی او پلار یې په سعودي عربستان کې مسافر دی او هغه نن په دغه هېواد کې له خپلو کلیوالو سره په ګډه د زوی فاتحه واخیسته.

د وژل شوي ماشوم خپلوانو افغانستان انټرنشنل ته وویل، چې د ابراهیم کورنۍ له ځايي طالب عارف سره کومه شخصی دوښمني نه لري.

د عارف په اړه ویل کېږي چې نوموړی د پکتیکا ولایت په سر حوزه ولسوالۍ کې د طالبانو په لیکو دنده لري.

دغه کورنۍ له طالبانو عدالت غواړي او وايي چې عارف ته دې په عام محضر کې د قتل سزا ورکړل شي.

له دې وړاندې د طالبانو په روانه واکمنۍ کې هم ورته ګڼې نورې پیښې شوې دي خو طالبانو تل هڅه کړې ورته پیښې له رسنیو پټې کړي.

د روان کال د زمري په میاشت کې په کابل کې د طالبانو پولیسو د کابل په کارته نو سیمه کې د حمید جلال په نوم یو ځان پر موټر دزې کړې وې او هغه یې ځای پر ځای وژلی و.

که څه هم له پېښې وروسته د طالبانو د کورنیو چارو وزارت اعلان وکړ، چې هغه کسان یې نیولي چې پر دغه ځوان یې ډزې کړې وې خو له دې پيښې ډېر وخت تېریږي اما دې دمه د نیول شوو طالبانو د محاکمې یا هم د سزا په اړه څه نه دي ویل شوي.

د دغه ځوان پلار سید جلال پښتون له طالبانو غوښتي ول چې د قاتلینو محاکمه غواړي.

دا څرګندونې په داسې حال کېږي، چې طالبانو په ډېرو ورته مسایلو کې جوړجاړی کړی او د خپلې ډلې غړي یې په عام محضر کې له سزا له ورکړې پچ کړي دي.

ښاغلی تکل دا نه وايي، چې دا لیدنه کله شوې، خو زیاتوي چې د دواړو په لیدنه کې، په افغانستان کې اوسني پرمختګونه او افغانانو ته د متحده عربي اماراتو د ویزو اسانتیاوې برابرول د بحث نور موضوعات وو.

طالبان وايي د دوی سفیر په دغه هېواد کې د افغانانو د بېلابېلو ستونزو د حل یادونه هم کړې ده.

د ضیا احمد تکمل په وینا، محمد بن زاید ال نهیان په دې لیدنه کې له طالبانو سره د همکارۍ ژمنه وکړه.

د تېرې چهارشنبې په ورځ د متحده عربي اماراتو د دولت رییس د طالبانو د سفیر په ګډون د یو شمېر نویو سفیرانو باورلیکونه ومنل.

متحده عربي امارات د نورو هېوادونو په څېر د طالبانو حکومت په رسمیت نه پېژني.

په ۱۹۹۰ لسیزه کې د پاکستان او سعودي عربستان ترڅنګ دغه هېواد په نړۍ کې یوازینی هیواد وو چې د طالبانو حکومت یې په رسمیت پېژندلی و.

ایرنا خبري اژانس وايي، دغه غونډه په ممبيي په ښار کې جوړه شوې او د ایران د چابهار بندر د اقتصادي چارو مرستيال حسين شهدادي پکې ګډون درلود.

د ایرنا د شنبې ورځې د خبر له مخې، دغې کارډلې د چابهار له لارې د سوداګريزو راکړو ورکړو د اسانتیاو او د ستونزو د حل په موخه بحث کړی دی.

ایرنا وايي، د چابهار د ګډې کارډلې په دریمه غونډه کې «د افغانستان، هند او ازبکستان د بندرونو، د ټرانزيټ او اوبو وزارتونو لوړپوړو چارواکو، په هند کې د افغانستان، ازبکستان او ایران سفیرانو، د هند د بهرنيو چارو وزارت چارواکو او د فعالو خصوصي سکټورنو او سوداګرۍ خونې مشرانو ګډون درلود.»

تېره مياشت د لړم په ۱۷ مه د طالبانو د بهرنیو چارو وزارت ويلي و، چې د هند ځانګړي استازي جي پي سېنګ د امیرخان متقي سره په لیدنه کې د چابهار بندر په اړه د سیمې د هېوادونو، افغانستان او هند تر منځ د خبرو اترو د شروع کېدو اړوند خبرې کړې دي.