د نړۍ د تر ټولو ښکلي هوایي ډګر لومړی مقام د یوه مسلمان هېواد هوایي ډګر خپل کړ

د چین د سوداګرۍ وزارت دغه پرېکړه داسې مهال اعلانوي چې واشنګټن د هغو چینایي شرکتونو د کنټرول نوملړ اوږد کړی چې د کمپیوټر چېپ جوړونې تجهیزاتو، سافټویرونو او لوړې وړتیا میموري چېپونو په صادراتو کې ښکیل دي.

دغه چېپونه په پرمختللو ټیکنالوژیو کې مهم رول لوبوي.
امریکا د صادراتو د کنټرول نوملړ ته ۱۴۰ نوي شرکتونه ور زیات کړي چې ډېری یې په چین کې دي، خو ځینې یې په جاپان، جنوبي کوریا او سینګاپور کې چینایي ملکیت لري.

دغه شرکتونه اوس د امریکایي چېپ جوړونې تجهیزاتو، سافټویرونو او لوړو ظرفیت لرونکو میموري چپونو ته لاسرسی نه لري، چې په مصنوعي ځیرکتیا او نورو پرمختللو برخو کې خورا مهم ګڼل کېږي.
چین لا له وړاندې دا شرط وضع کړی و چې امریکا ته د ګالیم په څېر مهمو موادو صادروونکي باید ځانګړي جوازونه ترلاسه کړي.
د فرانس پرېس او رویټرز د رپوټونو له مخې، د چین د سوداګرۍ وزارت د امریکا د بندیزونو د پراخولو غندنه وکړه او ژمنه یې وکړه چې د خپل هېواد “حقونه او ګټې” به خوندي کړي.
د نړۍ د دوو لویو اقتصادونو ترمنځ دغه کړکېچ پر ټیکنالوژۍ د واکمنۍ پر سر روانه سیالي نوره هم توده کړې، چې اغېزې به یې له دفاعي صنعت څخه تر مصرفي برښنایې وسایلو پورې پراخې وي.

د کلفورینیا پوهنتون په دغې څېړنه کې د ۸۹۰ ښځو او نارینوو معلومات څېړل شوي دي. دغې څېړنې مودندلې چې هغه کسان چې اونۍ کې له دوو څخه تر څلورو هکۍ خوري په وینه کې یې د کلسټرول کچه ټیټیږي.

دغه څېړنه په ۱۹۸۸ کې پیل شوې وه او په ۴ کلونو کې یې د څیړنې د ګډونوالو د مغز فعالیت ۳ اړخونه وازمایل. په پایله کې هغو ۵۳۱ ښځو چې هګۍ یې ډېرې خوړلې، د لنډ مهاله او اوږد مهاله حافظې تزلزل کې یې کموالی راغلی. مګر په نارینو کې پایلې داسې نه وې.

څېړونکو ویلي، که څه هم هګۍ په زیاته کچه کلیسټرول لري خو پایلې ښیي چې هګۍ پر روغتیا مثبتې اغیزې لري.

دا لومړۍ څېړنه نه ده، چې ښودلې یې ده چې هګۍ د روغتیا لپاره ګټه لري، تر دې مخکې هم په بېلابېلو څېړنو کې موندل شوي، چې د هګۍ خوړل د شکر ناروغۍ پر وړاندې هم د بدن مقاومت زیاتوي.

په نوې څېړنه کې ښکېلو کارپوهانو ویلي، چې هګۍ پروتین او بېلابېل غذایي مواد لري چې د ذهني فعالیت په ښه کولو کې رول لوبوي.

هغوی زیاته کړه، چې په دې اړه لا زیاتو څېړنو ته اړتیا ده، خو دا څرګنده ده چې دغه خواړه د روغتیا لپاره ګټور دي.

په ټوله نړۍ کې د مخ سیروم کارولو وده کړې ده کوم چې د پوستکي د پاملرنې برخه کې ښه اغیزه لري.

اوس پوښتنه دا ده چې کوم ډول سیروم غوره دی؟

ويټامين سي

ویټامین سي د انټي اکسیډنټ یوه خزانه ده چې د پوستکي لپاره غوره ګڼل کیږي.

ویټامین سي ستاسو پوستکی د ککړتیا او وړیا رادیکالونو څخه ساتي او دا د پوستکي بیا رغونه کوي او همدارنګه د پوستکي حجرو ته وده ورکوي.

هایالورونک

هر څوک د هایالورونک اسید سره اشنا دي، ان مشهور کسان هم دا سیروم کاروي، دا اسید د پوستکي وچوالی له منځه وړي او د پوستکي پورتنۍ طبقه ښه کوي.

نیاسنامایید

په نیاسامایید کې د بي۳ د مخ سیرم موجود دی، چې د پوستکي په بیا ژوندي کولو او د مړاوي پوستکي تازه کولو کې رول لوبوي. سربیره پردې، دا د پوستکي د سوزش کمولو کې هم مرسته کوي.

ګلیسرین

ګلیسرین له پیړیو راهیسې د پوستکي د وچوالي او دانو څخه د ساتنې لپاره کارول کیږي.

الو ویرا

د الو ویرا له ګټو څخه هر څوک خبر دي، په طبیعي ډول پکې د اوبو اندازه زیاته ده، له همدې امله د پوستکي لپاره غوره ګڼل کیږي.

څیړنې د ۱۸ کلینیکي ازموینو معلومات تحلیل کړي او موندلي یې دي چې هره ورځ ډېرې اوبه څښل د روغتیا لپاره ګڼې ګټې لري.

د څېړنې له مخې، د اوبو څښلو په عادتونو کې کوچني بدلونونه کولی شي د بېلابېلو ناروغیو لکه د وزن کمیدل، د پښتورګو د تیږو څخه خلاصون، نیم سري یا مایګرن، د ادرارود د ځای سوزش او د شکر ناروغیو کې کموالی راوړي.

دغې څیړنې ثابته کړې، چې له ډوډۍ مخکې د دوه ګیلاسه اوبو څښل کولې شي د وزن په کمولو کې مرسته وکړي.

یوې کلینیکي ازموینې موندلې چې هغه خلک چې د خوراک دمخه اوبه څښي د نورو په پرتله د بدن وزن یې ۱۰۰ سلنه کم شوی.

په همدې ډول، که چیرې د شکر ناروغۍ ناروغان د خواړو دمخه اوبه وڅښي، په سرعت سره یې د وینې د ګلوکوز کچه کمیږي.

دا ځکه چې د اوبو څښل ګیډه د خوړلو دمخه یو څه ډکه ساتي او د کم کالوري مصرفولو کې مرسته کوي.

روغتیاپوهان وایي، چې په بدن کې د اوبو کمښت د پښتورګو د تیږو او د ادرارو په ځای کې د سوزیدلو خطر زیاتوي.

د دغې څېړنې له مخې، چې په جاما مجلې کې خپره شوې، د هغو مېرمنو په منځ کې چې په ۲۰۰۶ کال کې یې د ایچ پي وي واکسین ترلاسه کولو وړ وو، د رحم د سرطان له امله د مړینې کچه خورا کمه شوې ده.

د سویلي کارولینا په طبي پوهنتون کې د اپیډمیولوژي له څانګې اشیش دشموک په دې اړه وویل: «موږ داسې انګیرله چې د واکسین کولو شاوخوا ۱۶ کاله وروسته، موږ به اوس وکولای شو چې د رحم د سرطان په مړینې کې د هغې لومړنۍ اغیزه وګورو او موږ په ریښتیا هغه څه ولیدل چې تمه مو لرله.»

د څېړنې مهم ټکي

په دې څېړنه کې د ۱۹۹۲ او ۲۰۲۱ کلونو ترمنځ د ۲۵ کلونو څخه کم عمره مېرمنو کې د رحم د سرطان له امله د مړینې اړوند احصایې څېړل شوي. څېړنه ښیې چې له ۱۹۹۲ څخه تر ۲۰۱۵ کاله پورې په هرو درېیو کلونو کې د مړینې کچه شاوخوا څلور سلنه کمه شوې.

له ۱۹۹۲ څخه تر ۲۰۲۱ پورې، دا شمېره له ۶۰ سلنه څخه زیات ته ورسیدله، او د مړینې کچه په هرو سل زرو خلکو کې ۰،۰۰۷ پیښو ته راټیټه شوې.

دغه د پام وړ کمښت د ایچ پي وي واکسین د احتمالي اغیزو سره سمون لري.

د اوسلو په پوهنتون کې اقتصادي روغتیا پوهې ایملي برګر په دې اړه وویل: «دا کمښت په داسې وخت کې رامنځ ته شوی چې تمه کیده واکسین خپله اغیز وښیي. دا څیړنه ښیي چې واکسینونه د مړینې په کمولو کې مهم رول لوبوي."

دا موندنې ځکه مهمې دي، چې د مړینې کمښت یوازې په ځوانو مېرمنو کې لیدل شوی.

د اشیش دشموک په وینا، د رحم سرطان لاهم په دغه عمر کې خورا نادر دی، مګر کله چې موږ د زړو عمر لروکو مېرمنو ته وګورو لکه د ۳۰ او ۴۰ کلونو مېرمنې په دوی کې د رحم سرطان خپریدلو کچه لوړه ده.

راتلونکي کې څه باید وشي؟

د دې څېړنې پایلې ښیي چې د رحم د سرطان څخه د مړینې کچې په کمولو کې د ایچ پي وي واکسین مثبت اغیزه لري.

دغه واکسین د ایچ پي وي پورې اړوند د شپږ ډوله سرطانونو پشمول د رحم ، واژن، مقعد او ستوني سرطان، مخه نیسي.

په یوې بلې څېړنه کې چې د جون په میاشت کې د سرطان پیژندنې په ملي مجلې کې خپره شوه، څرګنده شوه، چې هغه مېرمنې چې په ۱۲ یا ۱۳ کلنۍ کې د ایچ پي وي واکسین ترلاسه کړی د رحم د سرطان هېڅ نښه په کې نه ده لیدل کیږي.

دا شواهد د پوهاوي د زیاتوالي او د واکسین کولو کچې ته وده ورکولو اړتیا باندې ټینګار کوي، ترڅو د دغه واکسین اوږدمهاله اغیزې په لویو عمر مېرمنو کې ولیدل شي.