د پښتونخوا له کرک ولسوالۍ څخه سرچینو افغانستان انټرنشنل پښتو ته ویلي، چې د یوه باروړونکي ټیلر او نورو سورلۍ موټرو تر منځ د ټکر په پېښه کې ۱۰ کسان مړه شوي او له ۱۵ زیات ټپیان شوي. ویل کیږي، د باروړونکي موټر برېکونو کار پریښی و او دغه پېښه رامنځته شوې.
افغانستان انټرنشنل پښتو ته نن شنبه د (مرغومي ۲۲مه) د پښتوخوا له کرک ولسوالۍ څخه سرچینو ویلي، چې یوه باروړونکي ټېلر چې ویل کیږي بریکونو یې کار پریښی وو، د کرک په بازار کې د سورلۍ نور موټر وهلي چې له امله یې تر اوسه پورې ۱۰ کسان مړه شوي او له ۱۵ ډېر ټپیان شوي.
په سیمه کې خبریالانو د پولیسو له قوله ویلي، چې په توکو بار یو ټېلر موټر د کرک بازار په منځ کې د سورلۍ موټرونه او موټرسایکلې لاندې کړي او ټېلر هم اوښتی چې له امله یې دغه مرګ ژوبله اوښتې ده.
هغه ویډیوګانې چې افغانستان انټرنشنل پښتو ته سرچینو استولې په کې لیدل کیږي چې باروړونکی ټېلر موټر اوښتی او خلک وايي، چې هڅه کوي ترې لاندې شوي کسان را وباسي.
تر اوسه پورې پېښه تازه شوې، ښايي چې د مرګ ژوبلې شمېرې بدلې شي.
