پېښور کې پېژندل شوې ټیک ټاکره سیما ګل «سایکو ارباب» په مرموز ډول وژل شوې ده

د ملګرو ملتونو راپور کاږي، چې پاکستان د ۲۰۲۳ کال له سپتمبر راهیسې له دغه هیواد ۸۲۵،۶۰۰ څخه ډیر افغان وګړي افغانستان ته ستانه کړي دي.

په دغه راپور کې ملګرو ملتونو خبرداری ورکړی، چې په جبري توګه د افغانانو په زور ستنولو پراخې نړۍوالې اندیښنې راپورته کړي دي.

د ریلیف ویب په نوم ویب‌پاڼې د خبر له مخې د ملګرو ملتونو د کډوالو عالي کمیشنرۍ زیاته کړې: «هغه څه چې د رضاکارانه راستنیدو پروګرام په توګه پیل شوي وو، په زیاتیدونکي توګه د جبري ستنېدا په هڅه بدل شوي، او پاکستاني چارواکو په وروستیو میاشتو کې د نیولو او په زور ستنولو لړۍ لا ګړندۍ کړې ده.»

د ملګرو ملتونو د شمېرو له مخې، د ۲۰۲۵ کال په جنوري کې د ښځو او ماشومانو په ګډون ۱۸،۳۰۰ تنه افغانان له پاکستان څخه افغانستان ته ستانه شوي، چې شاوخوا ۱۰۰۰ یې په جبري ډول ستانه کړل شوي دي.

د ځینو راپورونو پر بنسټ په دې وروستیو اونیو کې د پاکستان په اسلام اباد او راولپنډۍ کې د افغانوګړو نیول زیات شوي، او همداشان د دوی د قانوني حیثیت په پام کې له نیولو پرته بندیان شوي هم دي.

په داسې حال کې چې له دوی یې ځینې د ملګرو ملتونو د پناه غوښتنې معتبر اسناد او په پاکستان کې د استوګنې جوازونه هم لري چې دې چارې د بشري حقونو د ډلو ترمنځ اندېښنې راپورته کړې دي.

په یاده موده کې، له ۹۰۰ څخه ډیر افغانان چې په زوره ایستل شوي وو یوازې د اسلام اباد او راولپنډۍ له دوو ښارونو څخه وو.

د دوی تر منځ ښځې او ماشومان هم وو، چې په زور افغانستان ته ستانه کړل شوي دي.

د ملګرو ملتونو د کډوالو عالي کمیشنرۍ د کډوالو د بیرته ستنولو د زیاتوالي په اړه اندیښنه څرګنده کړې او له پاکستاني چارواکو یې غوښتي چې د افغان کډوالو خپلسري نیونې او په زوره شړل ودروي.

د ملګرو ملتونو وروستي معلومات دا ښیي چې د ۲۰۲۴ کال په جنوري کې ۱۲۴۵ افغان کډوال نیول شوي وو، چې د ۲۰۲۵ کال په جنوري کې ثبت شوي شمېر دوه چنده زیات دی.

د نیولو او ستنولو په کچه کې چټک زیاتوالي په پاکستان کې پاتې افغان کډوالو کې ویره زیاته کړې ده.

د پاکستان حکومت تر اوسه پورې د ملګرو ملتونو د جبري ستنولو د ځنډولو غوښتنې ته په رسمي ډول کوم ځواب نه دی ویلی.

سربېره پردې، د پښتونخوا په څو پوهنتونونو هم په هر ډول سیاسي غونډو کې د ګډون بندیز لګولی شوی دی.

په دې برخه کې خپره شوې خبرپاڼه کې ولایتي پولیسو ته لارښوونه شوې چې په لاریونونو کې له ګډون او اسانتیاوو ورکولو څخه ډډه وکړي.

ورته مهال د تحریک انصاف ګوند د مرکزي کمیټې څو غړو د پښتونخوا حکومت او ادارو د دې خبرپاڼې په اړه خپل نظرونه څرګند کړي دي.

له بلې خوا، د پښتونخوا سر وزیر علي امین ګنډاپور دا خبرې بې بنسټه بولي او زیاتوي چې: «زه به د تېر په څیر د لاریون مشري وکړم، دغه ټولې خبرې بې بنسټه دي، داسې کومه پرېکړه نه ده شوې».

دغه پرېکړه په داسې حال کې کېږي چې تېرو دوو ورځو کې ملګرو ملتونو په پاکستان کې له مېشت افغان کډوالو غوښتي، چې په سیاسي غونډو او لاریونونو کې دې له ګډون څخه ډډه وکړي.

افغانستان انټرنشنل پښتو ته له سیمې څخه باوري سرچینو نن شنبه د (سلواغې ۲۰مه) ویلي، چې د پښتونخوا د بنو ولسوالۍ په فتح خیلو سیمه کې یوې ډلې وسله والو د پولیسو پر پوستې برید کړی چې په پایله کې یې دوه پولیس وژل شوي او درې نور ټپیان دي.

ويل کیږي، ټپیان د درملنې په موخه د بنو روغتون ته وړل شوي او د یوه هغه روغتیايي حالت د اندېښنې وړ دی.

د بنو پولیسو پاکستاني رسنیو ته ویلي، چې یو ډیر شمېر وسله والو پر پوسته برید کړی، نو په خبره یې ځکه دغه مرګ ژوبله اوښتې ده.

د ټي ټي پي اړوندې یوې وسله والې ډلې د دغه برید د مسوولیت منلو تر څنګ ادعا کړې چې په دغې پوسته یې د سپکو او درنو وسلو برید کړی او په کې ټول پولیس یې وژلي دي.

په دې وروستیو یو ځل بیا په پښتونخوا کې پر امنیتي ځواکونو د وسله والو بریدونو زور اخیستی او وخت نا وخت پر پوستو او د دوی د موټرونو پر روانو کاروانونو بریدونه کیږي.

د پاکستان د تحریک انصاف ګوند پلویانو دا ورځ د «رایو غلا» په نوم یاده کړې او ټاکل شوې چې سبا (شنبه n سلواغې ۲۰مه) د دغه هېواد د عمومي ټاکنو د کلیزې لمانځلو په مناسبت ستر لاریون وکړي.

د نوموړي ګوند پلویان به په خېبرپښتونخوا او ځینو نورو سیمو کې په لاریون کې ګډون وکړي. همداراز یاد ګوند په ټول پاکستان کې له خپلو پلویانو غوښتي چې په دغه لاریون کې ورسره برخه واخلي.

ټاکل شوې وه دا لاریون په لومړیو کې د پاکستان په لاهور ښار کې وشي، خو د دغه هېواد چارواکو د امنیتي اندېښنو له امله د تحریک انصاف غوښتنه رد کړه.

له دې وروسته، د ملګرو ملتونو د کډوالو عالي کمېشنرۍ د یوې ویناپاڼې په خپرولو سره په پاکستان کې له مېشتو افغان کډوالو غوښتي چې د دغه هېواد قوانین او مقررات رعایت او ورته درناوی وکړي.

دغه‌راز، ملګرو ملتونو ټینګار کړی چې افغانان باید د عامه نظم د ساتنې په برخه کې د ټاکل شویو تدابیرو منلو ته غاړه کېږي.

په دې ویناپاڼه کې راغلي: «د کوربه هېواد پر وړاندې له سیاسي فعالیتونو څخه ډډه وکړئ. ښايي دا فعالیتونه جرم وي او کولای شي په پاکستان کې د افغانانو په اړه د خلکو پر نظرونو مستقیم او منفي اغېزې ولري.»

په دې ویناپاڼه کې چې په، پښتو، فارسي، اردو او انګلیسي ژبو خپره شوې، ټینګار شوی چې افغان کډوال باید د ځان او خپلو ماشومانو د ساتنې لپاره په «نامناسب» فعالیتونو کې له ښکېلتیا ډډه وکړي.

د برازیل ګلوبو نیوز راپور ورکړی، چې د کینګ ایرایف-۹۰ الوتکه چې اته تنه سپرلۍ پکې وې د جمعې په سهار راوغورځېده او له یوه بس سره د ټکر کېدو له امله یې اور واخېست.

د اور وژنې ادارې راپور ورکړی چې په الوتکه کې دوه سوځېدلي جسدونه موندل شوي دي.

په دغه پېښه کې یو موټرسایکل چلوونکی او یو بل بس چلونکی چې په دې وخت بس کې یوازې و ټپي شوي دي.

دغه کوچنۍ الوتکه د سهار په ۷:۱۵ بجې د کمپو دي مارټ له هوایي ډکر پورته شوې وه او غوښتل یې چې الیګر ته ولاړه شي چې په لاره کې وغورځېده.

پولیس او د برازیل هوايي ځواک د الوتکې د غورځېدو د لامل او احتمالي مسولیتونو په اړه څېړنې کوي.