ټرمپ وايي چې له پوتین سره یې د اوکراین جګړې پر پای ته رسولو خبرې کړې دي

د چتیس ګړ ایالت امنیه قوماندان پټیلینګم سندرراج وايي، سلګونه پولیس او نیمه پوځي سرتیري د چتیسګړ ایالت د اندراوتي سیمې په ځنګلونو کې د استخباراتي معلوماتو پر بنسټ د راټولو شویو یاغیانو خلاف د پلټنې په عملیاتو بوخت وو، چې پر همدغه مهال له ماویسټ یاغیانو سره نښته رامنځته شوې او په پایله کې یې د ماویسټ یاغیانو ۳۱ تنه ووژل شول.

پولیسو ویلي، چې له یاغیانو سره په جګړه کې دوه امنیتي سرتېري وژل شوي او دوه نور ټپیان دي.

سندرراج ویلي، چې په سيمه کې تصفیوي عمليات اوس هم دوام لري او امنیتي ځواکونو د پلټنو پر مهال يو شمېر وسلې او مهمات هم ترلاسه کړي دي.

د پولیسو افسر جتیندرا یادو وايي، د یکشنبې د ورځې نښته سږکال تر ټولو لویه او په چتیسګړ کې له یوې میاشتې په کمه موده کې دویمه لویه نښته ده.

هندي چارواکو ویلي، چې د جنوري په ۲۳مه او ۳۱ نېټه هم د دغه ایالت په ګاري بند او بیجاپور ولسوالیو کې له یاغیانو سره نښتې شوې چې په پایله کې یې ۲۰ یاغیان ووژل شول.

دغه یاغیان د چین د کمونیست پخواني مشر ماوزیډونګ نظریه تعقیبوي او له لسیزو راهیسې د هند حکومت پر وړاندې په ځانګړې توګه په مرکزي او ختیز هند کې بغاوت او چریکي بریدونه کوي.

عراقچي په غزه کې د جبري بې‌ځایه کولو پلان غندلی دی او په دې برخه کې یې د اسلامي هېوادونو د همغږۍ او یووالي دریځ غوره کولو پر اړتیا ټینګار کړی دی.

په خبرپاڼه کې راغلي، چې ښاغلي عراقچي د فلسطین د مظلومو خلکو د مشروع او بنسټیزو حقونو لپاره د اسلامي هېوادونو د مسوولیت په یادولو سره زیاته کړې:« له غزې څخه د فلسطینیانو د جبري اېستلو پلان نه یوازې د "نسل وژنې" مترادف یو لوی جرم دی؛ بلکې د سیمې او نړۍ د ثبات او امنیت لپاره خطرناکې پایلې هم لري.»
د هغه په وینا، د اسلامي همکاریو سازمان باید ژر تر ژره د غړو هېوادونو د بهرنیو چارو وزیرانو په حضور کې د یوې غونډې په ترسره کولو د فلسطیني خلکو د مشروع حقونو د دفاع لپاره قاطع او ګټوره پرېکړه وکړي.

د اسلامي همکاریو سازمان سرمنشي حسین ابراهیم طحه هم د فلسطیني وګړو پر وړاندې ترسره شوي جنایتونه وغندل او د غزې د خلکو د جبري بې ځایه کول یې په بشپړ ډول د منلو وړ ونه ګڼله.

هغه د اسلامي همکاریو سازمان د غړو هېوادونو د بهرنیو چارو وزیرانو د مشورتي غونډې د جوړولو لپاره د ایران د اسلامي جمهوریت د وړاندیز هرکلی وکړ او ویې ویل، چې په دې برخه کې به د سازمان له غړو هېوادونو سره مشوره وکړي.

دغه اندېښنې وروسته له هغې راپورته کېږي، چې د امریکا ولسمشر ډونلډ ټرمپ څو ورځې وړاندې په خپلو خبرو کې وویل چې له دې جګړې ورسته به اسراییل د غزې تړانګه امریکا ته وسپاري.

سره له دې چې د ډیموکراټانو د قانون جوړونکو له‌خوا د نورو معلوماتو تر ترلاسه کولو پورې د دغه خرڅلاو د ځنډولو غوښتنه شوې وه؛ خو د متحده ایالاتو دفاع وزارت اعلان کړی، چې د بهرنیو چارو وزارت د اسراییل لپاره د ۶.۷۵ میلیارد ډالرو په ارزښت د وسلو یوه کڅوړه تصویب کړې.

دغه اعلان داسې مهال کېږي، چې د اسراییل لومړی وزیر بنیامین نتنیاهو واشنګټن ته د ټرمپ ادارې چارواکو او د کانګرس غړو سره د لیدنې لپاره سفر کړی و.
د امریکا استازو جرګې د بهرنیو اړیکو کمیټې کې دیموکرات استازی ګریګوري مکس دغه پرېکړه غندلې او ویلي یې دي، چې د خرڅلاو په اړه یې خپلې اندېښنې له حکومت سره شریکې کړې؛ خو حکومت د اسنادو یا د توجیه په وړاندې کولو کې پاتې راغلی دی.
مکس په یوه بیان کې ویلي و:« زه د اسراییل د حیاتي پوځي اړتیاوو ملاتړ ته دوام ورکوم، ځکه چې اسراییل د سیمه‌ییزو ګواښونو د پراخې لړۍ سره مخ دی او د حکومت سره د پراخو پوښتنو او اندیښنو په اړه له نږدې مشوره کوم.»
هغه وویل، دغه پرېکړه د حکومت د یوې مسوولې ادارې په توګه د کانګرس لپاره د درناوي نشتوالی ښیي.
مکس وویل:« په متحده ایالاتو کې موږ پاچا نه لرو. موږ په ډیموکراسۍ باور لرو، چې په اساسي قانون کې ریښې لري او د قوانینو له مخې اداره کېږي.»

خو سپینې ماڼۍ لاتراوسه د مکس دغو خبرو او غوښتنې ته ځواب ورنه کړ.

نوموړي دغه څرګندونې تېره ورځ په خیبرپښتونخوا کې د پاکستان د وروستیو ټاکنو د لومړۍ کلیزې په مناسبت د تحریک انصاف ګوند په یوې جوړې شوې غونډه کې کړې دي.

ګنډاپور د پاکستان د تحریک انصاف ګوند مشر عمران خان ته په اشارې سره وویل، هغه په بند خونه کې ناست خو بیا يې هم وګټله؛ سره له دې چې تاسو حتی په پارلمان کې د ناستې پر مهال هم بایللې وه.

د پاکستان تحریک انصاف ګوند بیا دغه ورځ د «تورې ورځ» په توګه ولمانځله.

یادې غونډې ته د پاکستان تحریک انصاف ګوند مشر ګوهر علي خان وویل، په ټاکنو کې د بریالي نوماند پرېکړه په توره شپه کې غلا شوې وه.

د هغه په وینا، که قضایه قوه خپلواکه وي؛ نو سیاسي ټیکاو به رامنځته شي او چې سیاسي ټیکاو ټینګ وي، د هېواد اقتصاد به لا مخ پر وړاندې ولاړ شي.

وکیل ګوهر زیاته کړه، شین رنګ د سولې نښه ده او سولې ته په درناوي دا نښه دوی ساتلې ده؛ خو په وینا یې، «موږ مه مجبوروۍ، چې دا ځل سور رنګ خپل کړو.»

د پاکستان تحریک انصاف ګوند ولایتي مشر جنید اکبر بیا غونډې ته په خپله وینا کې وویل:« د ادارو او خلکو ترمنځ لوی واټن رامنځته شوی. موږ نه غواړو، چې له ادارو سره ټکر رامنځته شي. دغه حکومت د خلکو په زړه حکومتولي نه کوي. موږ غواړو، چې ادارې پیاوړې وګورو. زموږ مبارزه به ترهغې دوام ولري، چې د قانون حاکمیت رامنځته شي.»

دا په داسې حال کې ده، چې تېره ورځ د خیبر پښتونخوا په ګڼو ولسوالیو کې داسې اعلامیې خپرې شوې وې چې له مخې یې په کې د پولیسو په ګډون حکومتي چارواکي په غونډو کې له ګډون څخه منع کړای شوي وو.

په راپور کې راغلي: "د جنتا ښارګوټي ته څېرمه په شېرا سیمه کې د اسراییل د هوايي برید له امله شپږ تنه شهیدان شوي او دوه نور ټپیان شوي دي."

خو بلخوا د اسراییل پوځ بیا په یوه بیان کې ویلي، چې د دوی هوايي ځواک د استخباراتي خدماتو تر لارښوونې لاندې برید کړی او ادعا یې کړې، چې د بیکا په دره کې یې د حزب الله غړي په نښه کړي.

له اوربند سره - سره، اسرايیل تر ۸۴۰ زیاتې سرغړونې کړي، چې په لبنان کې یې د ښځو او ماشومانو په ګډون لسګونه کسان وژلي او ټپیان کړي دي.

د اوربند د موافقې له مخې، اسراییل باید د جنورۍ تر ۲۶ نېټې پورې له سوېلي لبنان څخه د خپلو ځواکونو وتل بشپړ کړي، خو وروسته له دې چې اسراییل له دې موافقې انکار وکړ، دغه ضرب الاجل د فېبرورۍ تر ۱۸ پورې وغځول شو.