په کاناډا کې د الوتکې لوېدلو په پېښه کې ۱۸ تنه ټپيان شوي دي
یوه مساپر وړونکې الوتکه د کاناډا د ټورنټو په پیرسن هوايي ډګر کې د ښکته کېدو پر مهال له ځغاستلیکې وتلې او اوښتې، چې ۱۸ سپرلۍ یې ټپیان شوي. د الوتکې د اوښتو لامل د ګڼې واورې ورښت ښودل شوی.
یوه مساپر وړونکې الوتکه د کاناډا د ټورنټو په پیرسن هوايي ډګر کې د ښکته کېدو پر مهال له ځغاستلیکې وتلې او اوښتې، چې ۱۸ سپرلۍ یې ټپیان شوي. د الوتکې د اوښتو لامل د ګڼې واورې ورښت ښودل شوی.
د رویټرز د خبر له قوله، د ډیلټا ایرلاینز یوه سیمه ییزه الوتکه د دوشنبې په ورځ له میناپولس څخه ټورنټو ته په لاره وه چې د پیرسن هوایي ډګر کېد بېړنۍ ناستې پرمهال اوښتې.
ویل کېږي، چې په الوتکه کې شاوخوا ۸۰ مساپر سپاره وو، چې ۱۸ تنه یې ټپیان دي، له ټپیانو څخه د دوو روغتیایي حالت نازک ښودل شوی وی.
د هوايي ډګر کارکونکو ویلي، یاده پېښه د ډیرې واورې او یخ له امله رامنځته شوې.
په الوتکه کې د سپرو مساپرو د هویت په اړه لاتر اوسه څه نه دي ویل شوي خو له الوتکې څخه ټولې سپرلۍ په خوندي ډول راکښته کړای شوي دي.
د الوتکو د راپرېوتو دا لومړنۍ پېښه نه ده چې رامنځته کیږي، تېر کال هم د هند په چینای ښار کې یوه مساپر وړونکې الوتکه د خرابې هوا له امله را ولوېده چې په یاده پېښه کې ۳۵ تنو خپل ژوند له لاسه ورکړی و.
