طالب چارواکي: تېرکال نورستان د ۳۰۰ زره کورنيو او بهرنيو سیلانیانو کوربه و

دغو سرچینو د یکشنبې په ورځ، د وري پر درېیمه، افغانستان انټرنشنل ته وویل، چې محمود شاه حبیبي د کندهار ښار په عینو مېنه کې د کندهار د پخواني امنیه قوماندان جنرال رازق په میلمستون کې چې ملا هبت الله اخوندزاده غصب کړی، ساتل کیږي.

دغه میلمستون د عینو مېني په «ډبیلیو» سړک پروت دی.

د سرچینو د معلوماتو له مخې، ملا هبت الله اخوندزاده پخوا دغه میلمستون د خپلو ځینو لیدنو په موخه کاراوه، خو له ډیرې مودې راهیسې بیا دلته نه دی راغلی.

طالبانو د کندهار په دغه مجلل ښار ګوټي کې د میلمستون شاوخوا له څلور تر پنځه سړکونه د عامو خلکو د تګ راتګ پر مخ له ډیر پخوا راهیسې بند کړي.

دغو سرچینو افغانستان انټرنشنل ته وویل، چې څو ورځې وړاندې یاد میلمستون ته د ملا هبت الله اخوندزاده د ساتونکو له لوري دوه ډاکټران راوستل شول، خو دا نه شي تایید ولای چې یاد ډاکټران یې د چا د تداوي لپاره میلمستون ته بیولي.

د امریکا د بهرنیو چارو وزارت ویاندې په یوې خبري غونډه کې وویل، چې حکومت یې د محمود شاه حبیبي روغتیایي حالت په اړه اندېښمن دی.

د ټامي بروس په وینا، حکومت هڅه کوي چې د دغه افغان امریکایي وګړي په ګډون نور امریکایان خپلو کورونو ته ستانه کړي.

څه باندې یوه میاشت وړاندې سرچینو افغانستان انټرنشنل ته ویلي و، چې محمود شاه حبیبي په کندهار ښار کې د عینو مېني د دروازې مخامخ د تېر جمهوري نظام پر مهال د کندهار ولایت د ملي امنیت د تحقیقاتو مرکز کې، چې اوس ملا هبت الله ورڅخه د شخصي زندان په توګه استفاده کوي، ساتل کیږي.

د محمود شاه حبیبي کورنۍ کندهار ته د هغه انتقال تایید کړی.

طالبانو د پنجشنبې په ورځ د بندیانو په چارو کې د امریکا د ولسمشر ځانګړي استازي اډم بوایلر او د افغانستان لپاره د امریکا پخواني ځانګړي استازي زلمی خلیلزاد ته د جورج ګلزمن په نوم امریکايي بندي وسپاره.

پر همدغه مهال محمود شاه حبیبي ته په اشاره د امریکا د بهرنیو چارو وزارت په یوه اعلامیه کې په افغانستان کې د بندې امریکایانو د وضعیت په اړه ژوره اندېښنه ښودلې ده.

د افغاني الاصله امریکایي محمود شاه حبیبي ورور افغانستان انټرنشنل ـ پښتو سره په خبرو کې ویلي و، چې د امریکايي پلاوي او طالبانو ترمنځ د پنجشنبې ورځې په ناسته کې د محمود شاه حبیبي په اړه هم خبرې شوې دي او د امریکا بهرنیو چارو وزارت یې د خوشې کېدو ژمنه کړې ده.

د طالبانو د بهرنیو چارو وزارت نن یکشنبه «د وري ۳مه» پر اېکسپاڼه لیکلي، چې په دې ناسته کې د افغانستان او قطر پر دوو اړخیزو اړیکو، له متحده ایالتونو سره پر وروستیو پرمختګونو او پر یو لړ نورو مسایلو خبرې وشوې.

امیر خان متقي له قطر سره د افغانستان اړیکې مخ پر وده وبللې او هیله یې څرګنده کړه چې د دواړو هېوادونو اړیکې لا زیات پرمختګونه ولري.

د طالبانو تر واک لاندې د بهرنیو چارو وزارت په خپرپاڼه کې په کابل کې د قطر سفارت د شارژدافیر مُردِف القاشوطي په حواله لیکل شوي، چې هغه ددې ډلې بهرنیو اړیکو کې پرمختګونه مثبت وارزول او له افغانستان سره یې د خپل هېواد د همکاریو ژمنتیا تکرار کړه.

دا کتنه په داسې حال کې کېږي، چې درې ورځې وړاندې زلمی خلیلزاد د امریکايي پلاوي په ترکیب کې کابل ته تللی و.
د طالبانو د بهرنیو چارو وزیر مولوي امیر خان متقي د بنديانو په چارو کې د امریکا د ولسمشر له ځانګړي استازي اډم بوايلر او د افغانستان لپاره د امریکا له پخواني ځانګړي استازي زلمي خلیلزاد سره وکتل.
د طالبانو بهرنیو چارو وزارت له امریکايي پلاوي سره له لیدنې وروسته وویل چې دواړو لوریو د دوه اړخیزو اړیکو، سیاسي تعامل او د باور جوړونې پر لارو چارو خبرې کړې دي.

متقي په دې ناسته کې ویلي، چې طالبان له ټولو هېوادونو سره متوازنې او مثبتې اړیکې غواړي او واشنګټن ته په کار ده چې له کابل سره د خبرو اترو لاره خپله کړي.

محمد صادق، چې دوه ورځې مخکې کابل ته په سفر تللی د افغانستان او پاکستان اقتصادي اړیکې له یوبل سره ژورې او تړلې بولي.

نوموړي د یکشنبې په ورځ په یوه خبرپاڼه کې په ډاګه کړه، چې دواړه هېوادونه باید د سیمې د اقتصاد د ودې لپاره خپلې هڅې همغږې کړي.

صادق افغانستان د پاکستان لپاره مهم سیمه ییز شریک بللی او وايي، چې دواړه هېوادونه باید د دوه اړخیزې سوداګرۍ د پراخولو او سیمه ییز اتصال د پیاوړتیا لپاره ګډ کار وکړي.

صادق خان وايي، پاکستان له افغانستان سره پیاوړو او متقابلو ګټورو اړیکو ته ژمن دی.

محمد صادق د جمعې په ورځ کابل ته ولاړ او تېره ورځ یې د طالبانو د بهرنیو چارو وزیر امیرخان متقي په ګډون ځینو نورو طالب چارواکو سره هم لیدلي او د سوداګرۍ، امنیت، سیاسي او اقتصادي همکاریو او دواړو لوریو ته د مساپرو دتګ راتګ په اړه یې خبرې اترې کړې دي.

پاکستاني رسنیو ویلي، چې د پاکستان او افغانستان ترمنځ د ترینګلو اړیکو د ښه والي نښې لیدل کېږي او کابل ته تللی محمد صادق هڅه کوي، چې له طالبانو سره د خپل هېواد د اړیکو رغېدو ترڅنګ د تعامل کچه لوړه کړي.

په دې ورځو کې د ایران د جنوبي خراسان ولایت د سرحدي سیمې په ځینو کلیو کې د ورښتونو کښې کېدو او وچکالۍ د پای ته رسېدو لپاره دوعاګانې کېږي.

د ایران د ایرنا اژانس د رپوټ له مخې، نن یکشنبه «د وري ۳مه» نېټه په یو څه ګرمه هوا کې ځینې ځوانان او لویان د ۲۳ کلنې وچکالۍ د پای ته رسیدو لپاره د دوعا په موخه راټول شوي وو.

د ایران جنوبي خراسان له ډېرو کلونو راهیسې د وچکالۍ له خطر سره مخ دی او کلي یې ورځ تر بلې تږي کېږي؛ د باران څاڅکي لیدل یې په یوه خوب بدلیږي او په شنو غرونو کې د شپون او رمې غږ نور نه اورېدل کېږي.

د تېر کال د کب ۵مه د ایران د بهرنیو چارو وزیر عباس عراقچي ویلي و، چې له افغانستان سره د اوبو پر سر تړون تر اوسه نه‌ دی عملي شوی.

نوموړي د خپلو سرحدي ولایتونو له چاروکو وغوښتل، چې له افغانستان سره پر اوبو د ګډ کار او همکاریو لپاره خپلې هڅې ګړندۍ کړي.

عراقچي همداراز وویل، یوازې له پولې اوښتونکې اوبه یې ستونزې نه شي حل کولای او باید د کورنیو اوبو د سرچینو مدیریت ته هم لازمه پاملرنه وشي.

نوموړي زیاته کړه: «که وچکالي راشي، دا طبیعي ده چې ګاونډی هېواد به خپلې اوبه ایران ته پرېنږدي».

طالبانو هم له دې وړاندې ویلي، چې له وچکالۍ سره سره یې بیا هم ایران ته اوبه ور پرېښې دي.

د پنجشنبې په ورځ سهار نهه بجې د کیمنېڅ ولایتي محکمې ته حبیب الرحمن په داسې حال کې راوستل شو چې لاسونه او پښې یې په زولنو تړلي وو او دوو قوي ساتونکو تر مټو نیولی و. ساتونکو نوموړی د تورن کس څوکۍ پر لور بوت او دوو نورو کسانو یې تر څنګ څارنه کوله.

دغه ۲۴ کلن مجرد افغان تورن دی چې یو بل افغان یې په چړو وژلی.

څارنوالان وايي، حبیب رحمان نومي افغان د ۲۰۲۴ کال په سپټمبر میاشت کې یو ۲۷ کلن افغان پر سر، ورمېږ او اوږو ۱۹ ځله په چاقو وهلی او وژلی دي. د پېښې ځای د ایو ښار یو اپارتمان و، چې دواړو پکې ګډ ژوند کاوه. پر نوموړي تور دی، چې له وژنې وروسته یې پر تورن کس جنسي تیری کړی.

له دې خونړۍ پېښې وړاندې د زاکسن پولیسو، قضايي ادارو او روغتیايي متخصصانو حبیب رحمان د جنسي جرمونو په پېښو کې ښکیل ګڼلی و. ویل شوي چې نوموړی په یوه ورځ کې درې ځله د جنسي تیري او جنسي ځورونې په جرم نیول شوی و.

د دې جرمونو له امله پر نوموړي څو عدلي څېړنې ترسره شوې وې اود رواني ستونزو له امله یو ځل روغتون ته هم لېږدول شوی و، خو بېرته ازاد شو.

د فوکس انلاین د رپوټ له مخې، نوموړی، چې دا مهال د وژنې له امله په بند کې دی، هلته هم دوامداره جنجالونه جوړوي اوبندیان او ساتونکي ترې خوندي نه دي.

د مارینبرګ محکمې ۶۰ کلنې قاضی بریګیټ هېګډورن، چې د ۲۰۲۴ کال د سپتمبر پر۱۴مه یې د دې قضیې د توقیف حکم صادر کړی و، وویل چې تورن کس په تکرار سره غوښتنه وکړه، « زه غواړم افغانستان ته بیرته ولاړ شم».

د تورن کس مدافع وکیل اندریاس کون فوکس انلاین ته وویل: « حبیب الرحمن له وړاندې چارواکو ته ویلي و چې دی غواړي خپل وطن ته بیرته ولاړ شي».

د جرمني د کډوالو فدرالي ادارې (BAMF) د معلوماتو له مخې، د ۲۰۲۲ کال له جنورۍ څخه د ۲۰۲۵ کال د فبرورۍ تر پایه، ۱۷۱ افغانان افغانستان ته د داوطلبانه ستنېدو له لارې تللي دي.

رپوټونه وايي، چې که تورن کس د جنسي انګیزې له مخې د قتل مرتکب ثابت شي، ممکن د عمدي قتل سزا ورکړل شي.

د نوموړي محاکمه به تر اپرېل میاشتې پورې دوام ولري.