پاکستان ۲۰۰ افغان کډوال د تورخم له لارې افغانستان ته وشړل

هرات کې د طالبانو د والي دفتر وايي، دغه بار د طالبانو د هرات والي، د ایران کونسلګرۍ او د دولتي او خصوصي سکټورونو د چارواکو په ګډون لېږدول شوی. دغه وچې میوې په هرات کې پروسس شوې او له هغه وروسته لېږل شوې دي.

دغه صادرات د افغانستان-ایران ریل کوریډور له لارې لېږدول شوې.

ایران دغه ریل لاره چې افغانستان له ترکیې او اروپا سره نښلوي، د سیمې د اقتصادي پرمختګ لپاره مهمه بللې ده.

د راپورونو له مخې، په تېرو دریو میاشتو کې د خواف-هرات ریل پټلۍ له لارې۳۵ زره ټنه توکي انتقال شوي، چې د افغانستان د سوداګرۍ شبکو په پراختیا کې د ریل پټلۍ د اهمیت زیاتوالی ښیي.

په کابل کې د ایران سفارت ویلي چې د دغه کوریډور فعالول به د افغانستان له اوږدمهاله اقتصادي ثبات سره مرسته وکړي.

یاد سفارت د پنجشنبې په ورځ وویل، چې په هرات کې د دوی کونسلګرۍ له طالب چارواکو سره یو ځای د دغه دهلیز پرانیسته وکړه.

سفارت زياته کړې، چې د ایران په همکارۍ د افغانستان – ایران – اروپا د اورګاډي دهلېز فعالېدل به د افغانستان د اقتصادي ځان بسیاینې لامل شي او د اروپا بازارونو ته به مستقیم لاسرسی پيدا شي.

د افغانستان د برېښنا شرکت اجرايوي رییس عبدالباري عمر وايي، په یادو پروژو کې اته هغه د برېښنا د تولید او دوه پروژې هم د برېښنا د مزو د تمدید دي.

نوموړی وايي، په یادو پروژو کې د هرات ولایت ۴۳،۲ میګاواټه بادي او ۵ میګاواټه لمریزه، د جوزجان ۵۰ میګاواټه ګازي، د بلخ ۴۰،۲۵، د لوګر ۴۰، د ننګرهار ۴۰ او د لغمان ۱۰ میګاواټه لمریزې برېښنا تولید، د زابل او د کندهار ختیز برېښنا کوټ پروژو ترڅنګ د هلمند له کجکي څخه تر کندهاره د ۱۰۰ کیلوولټه برېښنا لیږد مزي بشپړولو پروژې هم شاملې دي.

عمر وايي، د یادو پروژو د برېښنا د تولید ظرفیت ۲۲۸،۲ میګاواټه دی او څه باندې ۲۰ میلیارده افغانۍ لګښت پري راځي.

د افغانستان د برېښنا شرکت اجرایوي رییس وايي، دغه پروژې به تر یوه کاله بشپړې شي.

طالبان په داسې حال کې د تولیدي برېښنا په برخه کې د پروژو د لاسلیک خبر ورکوي، چې څه موده وړاندي د ملګرو ملتونو پراختیایي پروګرام ویلي و، چې افغانستان د انرژۍ له لوی بحران سره مخ دی.

دغه پروګرام ویلي، چې د کورنۍ برېښنا د تولید د ټیټې کچې له امله افغانستان د ګاونډیو هېوادونو د انرژۍ په سرچینو پورې تړلی دی.

د ملګرو ملتونو پراختیايي پروګرام ویلي، چې یوازې ۴۰ سلنه کورنۍ برېښنا ته لاسرسی لري او افغانستان د خپلې اړتیا ۷۵ سلنه برېښنا له ګاونډیو هېوادونو په ځانګړې توګه مرکزي اسیا څخه واردوي.

د تایباد والي حسین جمشيدي له ایرنا خبري اژانس سره په مرکه کې ویلي، چې په ختيزو پولو کې ددغه پلان د پلیتابه لپاره د ۱۰۰ کیلومترو په اندازه زېربیناوې چمتو شوې دي.

د نوموړي په خبره، پر پوله دغه زېربیناوې به د انجينرانو د مهالوېش له مخې په ټاکل شویو ځایونو کې کېښودل شي.

د تایباد د والي د معلوماتو له مخي، د جوړ شوي ديوال لوړ والی ۴ متره دی او پر پورتنۍ برخه یې کټارې هم جوړيږي.

حسین جمشيدي زياته کړه، چې د ایران او افغانستان د پولو بندول او دیوال جوړول د دوی تر ټولو مهم او ستراتیژيک پلان دی.

نوموړي زياته کړې، چې پر پوله د دیوال په جوړولو سره له افغانستان څخه ایران ته د غیر قانوني کډوالو په داخليدو کې د پام وړ کموالی راغلی دی.

د ایران تایباد ښار له افغانستان سره ۹۰ کیلومتره پوله لري او په دې پوله کې د دوغارون لار ځانګړی اقتصادي اهمیت لري.

دغه سازمان وايي، له ۲۰۲۳ کال راهیسې له ۸۴۰ زرو ډیر افغان کډوال اړ ایستل شوي چې له دغه هېواد نه ووځي.

د بښنې نړیوال سازمان ویلي، چې پاکستاني چارواکي هڅه کوي، چې د اسلام اباد او راولپنډۍ ښارونو څخه افغان کډوال په زور وباسي.

له اسلام اباد او راولپنډۍ څخه په اېستل کېدونکو افغانانو کې هغه افغانان هم شامل دي، چې په پاکستان کې د استوګنې قانوني اسناد لري.

د بښنې سازمان ویلي، چې یاد کسان افغانستان ته د ستنولو له ګواښ سره مخ دي.

د بښنې نړیوال سازمان ویلي، پاکستان له افغانانو سره سخت او ظالمانه چلند کوي او د ګڼو افغانانو ژوند له ګواښ سره مخ کوي.

یاد سازمان ویلي، چې پاکستان له نړیوالو اصولو سرغړونه کوي.

دغه نړیوال سازمان پر پاکستان غږ کړی، چې د افغان کډوالو له ځورونې او غیر قانوني ستنولو لاس واخلي.

پاکستان د ۲۰۲۵ کال له پیل راهیسې یوځل بیا پر افغان کډوالو فشارونه زیات کړي څو له دغه هېواده ووځي.

د ملګرو ملتونو د کډوالۍ ادارې د شمېرو له مخې، د ۲۰۲۵ کال له پیل راهیسې له ۱۸زره ډیر افغانان له اسلام اباد او راولپنډۍ څخه افغانستان ته ستانه شوي؛ د افغان کډوالو پر کورونو چاپې وهل شوې، له ۱۰۰۰ تنو ډیر په خپلسري ډول بنديان شوي او د پاکستان په نورو ایالتونو کې د کار کولو اجازه هم نه ورکول کیږي.

د طالبانو د کورنیو چارو وزارت د پنجشنبې په ورځ، د وري اوومه، په یوه خبرپاڼه کې ویلي، چې د اختر په ورځو کې د امنیت د ښه ډاډمنولو لپاره پر موټرسایکلو دغې ګرځنده قطعې په پکتیا کې فعالیت پیل کړی دی.

وزارت لیکلي چې دا ۴۰ کسیزه پوځي قطعه به د ښار په څنډو کې ګرځنده ګزمې ترسره کړي.

طالبانو مخکې د بدخشان، بغلان، جوزجان او ننګرهار ولایتونو د پولیسو په قومانده کې د ګرځنده موټرسایکلود ګزمو جوړولو اعلان کړی و.

طالب جنګیالي له تیرو دوو لسیزو راهیسې د پخواني حکومت پر وړاندې په خپله جګړه کې له موټرسایکلونو څخه کار اخیست.

پر افغانستان له بیا واکمنیدو وروسته، دغې ډلې په بیلابیلو برخو کې پر موټرسایکلو او ژیړوبوشکو سره چې دوی یې په چاودنو کې کاروي پوځي پریډونه ترسره کړل.

د طالبانو د کورنیو چارو وزارت وايي چې په نورو ولایتونو کې به هم پر موټرسایکلو د پولیسوګرځنده ګزمې فعالې شي.