د یکشنبې له سهار راهیسې په غزه کې د وژل شویو کسانو شمېر ۶۴ ته لوړ شو
روغتیایي سرچینو الجزیرې ته ویلي، چې د یکشنبې له سهار راهیسې د غزې په تړانګه کې د اسراییل په بریدونو کې ۶۴ کسان وژل شوي دي. د دغو سرچینو په وینا، په وژل شویو کې ماشومان هم شامل دي.
روغتیایي سرچینو الجزیرې ته ویلي، چې د یکشنبې له سهار راهیسې د غزې په تړانګه کې د اسراییل په بریدونو کې ۶۴ کسان وژل شوي دي. د دغو سرچینو په وینا، په وژل شویو کې ماشومان هم شامل دي.
له بل پلوه د اسراییل لومړي وزیر بنیامین نتنیاهو ویلي، چې د نورو یرغمل شویو کسانو خوشې کولو لپاره پر حماس د فشار راوستلو هڅه کوي.
نوموړي دارنګه ژمنه کړې، چې د سیمې څخه د فلسطینیانو د اېستلو لپاره به د ډونلډ ټرمپ خورا جنجالي وړاندیز پلي کړي.
اسراییل نږدې دوه اونۍ وړاندې پر غزې خپل بریدونه بیا له سره پیل کړل او خبرداری یې ورکړ، چې ځواکونه به یې د غزې په ځینو برخو کې تر هغه چې پاتې ۲۴ یرغمل شوي کسان خوشې شوي نه وي؛ پاتې شي.
د یکشنبې په سهار په خپلو څرګندونو کې د اسراییل لومړي وزیر بنیامین نتنیاهو ژمنه وکړه، چې پوځي عملیات به زیات کړي او پر حماس به له فشاره کار واخلي.
له بل پلوه یاردن بیباس چې مېرمن او دوه ځوان زامن یې د حماس په بند کې وژل شوي وو، د امریکا له ولسمشر غوښتنه کړې چې د غزې جګړه پای ته ورسوي او د پاتې بندیانو خوشې کول خوندي کړي.
بیباس د سي بي ایس خپرونې سره په مرکه کې وویل:« زه دلته د ټرمپ له امله یم.»
هغه وویل:« زه فکر کوم هغه یوازینی کس دی، چې کولی شي دغه جګړه ودروي.»
بیباس د اسراییل د بمبارۍ تجربه هم بیان کړه؛ هغه په غزه کې د ځمکې لاندې تونلونو کې ساتل کېده.
بیباس وویل، چې د هغه مېرمن او زامن یې د حماس لهخوا ووژل شول.
خو حماس ډلې ویلي، چې د بیباس کورنۍ د ۲۰۲۳ کال په نومبر کې د اسراییل په هوايي برید کې وژل شوي دي.
حماس د مصر په وړاندیز د یکشنبې په ورځ د نوي اوربند په بدل کې د پنځو یرغمل شویو کسانو خوشې کولو لپاره هوکړه کړې ده.
دغه وړاندیز د هغه وړاندیز سره ورته دی، چې څو اونۍ دمخه د متحده ایالاتو د ځانګړي استازي سټیف ویټکوف لهخوا وړاندې شوی و.
