د سترګو تورول او د رنجو کارول؛ دود، هنر او دیني پیوستون

د ګارډین ورځپاڼې د راپور له مخې؛ دا لومړی ځل دی چې په انګلستان کې یوې مېرمنې د رحم له پیوندولو وروسته ماشوم زېږولی دی.

د راپورونو له مخې، کله چې ګریس ډیویډسن ځوانه وه، روغتیاپالانو معلومه کړه چې هغه په یوه نادره حالت کې له رحم پرته نړۍ ته راغلې ده.

ډاکټرانو ویلي، چې دغې ۳۶ کلنې مېرمنې په ۲۰۲۳ کال کې له اته ساعته جراحي عملیاتو وروسته د خپلې خور رحم ترلاسه کړ.

ویل کېږي، چې ګریس ډیویډسن او د هغه خاوند ۳۷ کلن انګوس پر خپلې نوې زېږېدلې لور «امي ایزابیل» نوم اېښی؛ اېمي د ګریس د خور نوم او ایزابیل د هغه ډاکټر نوم دی، چې د رحم په پیوندولو کې یې کلیدي رول لوبولی دی.

ګریس ډیویډسن وویل، هغه ډېره خوشحاله شوه کله یې چې د لومړي ځل لپاره خپله لور امي ایزابیل ولیدله.

د راپورونو له مخې، دغه ماشومه (د فبرورۍ میاشت په ۲۷مه) نېټه د لندن کوین شارلټ چېلسي په روغتون کې زېږېدلې ده.

عطاء محمد هیله‌من له تېرو درېیو کلونو راهیسې مغزي تومور درلود، چې په پاکستان یې د سر عملیات هم ترسره کړی و.

د هیله‌من زوی حمزه هیله‌من د خپل پلار په فېسبوک پاڼې د هغه مړینه تایید کړې او لیکلي یې دي: «زما مهربان پلار، عطامحمد هیله‌من له دې فاني نړۍ سترګې پټې کړې.هغه یو باایمان، زړور او د کورنۍ د ستون غړی وو.زموږ زړونه پرې غمجن دي، خو باور لرو چې الله به هغه ته د جنت الفردوس مقام ورکړي.»

عطاء هیله‌من د ننګرهار ولایت د چپرهار ولسوالۍ اوسېدونکی وو، چې په پښتو ژبه کې یې له ننګرهار پوهنتونه ماسټري او له ملاکنډ پوهنتون څخه یې دوکتورا اخیستې وه.
هغه شاعر او لیکوال هم و، چې تر لسو ډېر چاپ شوي کتابونه لري.

په دغو کتابونو کې ناولونه، شاعري او د پښتو ژبې ادبیاتو اړوند کتابونه شامل دي.

د یادولو ده، چې هیله‌من د ننګرهار ملي ټلویزیون، باختر اژانس او یو شمېر نورو رسنیو سره په ننګرهار کې دوه لسیزې خبریالي کړې وه.

شریا د لوېدیځ بنګال څخه ده او په ډېرو فلمونو او سریالونو کې یې کار کړی دی.

دغه فلمي لوبغاړې په سکندر فلم کې هم د تامل صنعت له مشهورو ستورو راجني کانت، سوریا او سلمان خان سره راڅرګنده شوې ده.

شریا په دې وروستیو کې په یوه مرکه کې د جنسي ځورونې قرباني کېدو دعوه وکړه او ویې ویل، چې هغه په ​​چینا کې د جنسي ځورونې قرباني شوې وه.

نوموړې وویل: هغه په ۲۰۱۴ کې د خپلې مور سره په فلم کې د کار کولو لپاره د پېژندل شوي فلمي لارښود دفتر ته لاړه.

شریا زیاتوي، کله چې د فلمي لارښود دفتر ته لاړم هغه وویل چې زما په غېږ کې کښېنه او په فلم کې ستا برخې سکریپ ولوله.

هغې وویل، چې زه ډېره کوچنۍ وم او وېرېدم، عذر مې ورته وکړ چې خپله برخه تمثیل به ولولم ځان به اماده کړم او سبا به راشم.

د نوموړې په وینا، له دې خبرو ورسته د ډېر وخت لپاره له فلمي صنعت څخه لرې پاتې شوم او همدا لامل وو چې ممبۍ ښار ته لاړم.

شریا ګپتا په دغه مرکه کې ونه ویل چې کوم فلمي لارښود وو چې دغه ډول ناوړه غوښتنه یې ترې کړې.

د يادونې وړ ده، چې تر دې وړاندې هم ګڼو فلمي لوبغاړو په ډاګه کړې، چې د فلم جوړونکو او فلمي لارښود له خوا د جنسي ځورونې قرباني شوي.

د ټيک ټاک مالک بایټ ډینس په یوه بیان کې وویل، چې ددغه ټولنیز پلیټ فارم اړوند مهم مسایل شتون لري چې باید حل شي.

د نوموړي په وینا: «شرکت د متحده ایالاتو له حکومت سره د ټیک ټاک يو اېس لپاره د احتمالي حل په اړه بحث کوي. تر اوسه تړون نه دی عملي شوی. کلیدي مسلې باید حل شي. هر ډول تړون به د چینایي قانون له مخې تصویب شي.»

دا خبرې وروسته له هغې راپورته شوې، چې د متحده ایالاتو ولسمشر ډونالډ ټرمپ د جمعې په ورځ اعلان وکړ، چې هغه د ټیک ټاک جبري پلور لپاره نېټه ۷۵ ورځې وغځوله، چې د مشهورو ټولنیزو رسنیو پلیټ فارم ته اجازه ورکوي، چې په متحده ایالاتو کې فعالیت ته دوام ورکړي.

دا د جنوري راهیسې دویم ځل دی چې د دغه پلېټ فارم شرکت ته نېټې د غځولو تمدید صادر شوی.

د ټیک ټاک راتلونکی ناڅرګنده پاتې دی، ځکه چې د پخواني ولسمشر جو بایډن له خوا لاسلیک شوی قانون د بایټ ډینس اړ کوي، ترڅو پلیټ فارم وپلوري یا له بندیز سره مخ شي.

دغه قانون د متحده ایالاتو سترې محکمې له خوا د ټیک ټاک قانوني ننګونې سره سره تایید شوی.

دا پلیټ فارم، چې ۱۷۰ میلیون امریکایي کاروونکي لري، د جنوري په میاشت کې د ټرمپ د ولسمشرۍ له لوړې دمخه د لنډ وخت لپاره بند شو، خو وروسته د بندیز بیا کتنې د لېوالتیا په صورت کې دوباره پرانیستل شو.

د رسنیو د راپورونو له مخې ، د امازون په ګډون ډېری د متحده ایالاتو شرکتونو د ټیک ټاک ترلاسه کولو لپاره داوطلبي کړې.

زیره ډېرې ګټې لري که خپله یا هم اوبه یې وکارول شي په هر حالت کې د روغتیا لپاره ګټوره ده.

په نهاره د زیرې د اوبو څښلو ګټې:

د هاضمې سیسټم سموي

که څه هم د زیرې داوبو بې شمېره ګټې دي، خو د دې تر ټولو مهمه ګټه دا ده چې دا ستاسو د هاضمې سیستم سم ساتي.

د زیرې تخمونه د کارمینیتیو ځانګړتیاوې لري چې د پيټ ګاز لرې کولو کې مرسته کوي او پر دې سربېره، بده هاضمه او قبضیت ستونزه هم د همدې اوبو له لارې حل کېدای شي.

تیزابیت لرې کوي

د زیرې اوبه د سينې د سوزش او تیزابیت لرې کولو کې مرسته کوي.

برسېره پر دې دا د مناسب هایډریشن سطحه هم ساتي.

د خولې بد بوی لرې کوي

ډېر خلک د خولې بد بوی سره مخ کېږي، که څه هم دوی خپلې خولې پاکوالي ته ډېره پاملرنه کوي.

د دې لپاره ډېری علتونه شته، خو یوه وجه یې د هاضمې او کولمو د سم کار نه کولو له امله ده.

د زیرې اوبه څښل کولی شي په دې ستونزه کې ډېره مرسته وکړي.

د بدن دفاعي ځواک قوي کوي

د زیرې اوبه ویټامین سي لري، چې له دې کبله دا د بدن دفاعي ځواک قوي کوي.

د زیرې اوبه څنګه جوړې کړو؟

د اړتیا سره برابره زیره په ګرمو اوبو کې واچوئ او یو یا تر یو نیم ساعت پورې اوبه پټې وساتئ، وروسته به د زیرې عرق وځي او د اوبو رنګ بدل شي، بیا یې اوبه صافې کړئ او نوش جان یې کړئ.