سره صلیب او سرې میاشتې د راستنیدونکو کډوالو لپاره د ۲۵ میلیونه فرانکو غوښتنه وکړه
د سره صلیب او سرې میاشتې ټولنو نړۍوال فدراسیون له پاکستان څخه د راستنېدونکو کډوالو د زیاتوالي سره هممهاله د ۲۵ میلیونو سویسي فرانکو بیړنۍ غوښتنه کړي. دغو ټولنو د یوې اعلامیې په خپرولو سره ویلي، چې د بشري مرستو د سرچینو له کموالي سره مخ دي.
د سره صلیب او سرې میاشتې ټولنو نړۍوال فدراسیون دغه اعلامیه د جمعې په ورځ خپره کړې.
اصلاح شوی متن:
په اعلامیه کې راغلي چې د بیړني غبرګون د مرستو سرچینې له سخت کمښت سره مخ دي او له پاکستان څخه د راستنېدونکو کډوالو د مرستې لپاره یې د ۲۵ میلیونه سویسي فرانکو مرسته غوښتې ده.
په اعلامیه کې ویل شوي، چې دغه مرستي به د بیارغونې او ټولنې ته د بېرته ورګډیدو په برخه کې ولګول شي.
ه اعلامیه کې ویل شوي: «هغه بشري ننګونې چې راستنېدونکي ورسره مخ دي، ژورې او زړهماتونکې دي. ډېرو خلکو په پاکستان کې خپل ژوند، شتمنۍ او ثبات قرباني کړی دی، خو یوازې د افغانستان ته د راستنېدو پر مهال له سختو ستونزو سره مخ شوي دي. ماشومان، چې له وړاندې له ګڼو ګواښونو سره مخ ول، اوس له خوارځواکۍ کړیږي او ځانګړې پاملرنې ته اړتیا لري.»
د افغانستان لپاره د سره صیلب او سرې میاشتې ټولنو د فدراسیون مشر احمد سلیمان وايي:«دا بحران په خطرناکه توګه پراخیږي او اغیز به یې پر مېلیونونو هغو خلکو وي، چې لا له وړاندې هم زیانمن شوي دي. زموږ لومړنیی تمرکز دادی چې اړینو کسانو ته بیړنۍ مرسته ورسوو.»
د سره صلیب او سرې میاشتې نړۍۍوالې ټولنو په اعلامیه کې ویل شوي، چې یوازې په تېره میاشت کې له پاکستان څخه نږدې ۱۴۵ زره افغانان بېرته افغانستان ته راستانه شوي او له دې سره په ۱۸ میاشتو کې د بېرته راستانه شویو افغانانو شمېر نږدې یو میلیون کسانو ته ورسید.