الجزیره: ټرمپ پلان لري چې له استخباراتي ادارو نه ۱۲۰۰ کارکوونکي ګوښه کړي

الجزیرې تلویزون د خپلو سرچینو له قوله راپور ورکړی، چې د امریکا ولسمشر ډونالډ ټرمپ پلان لري، چې د دغه هېواد د مرکزي استخباراتو له ادارې او نورو جاسوسي ادارو څخه ۱۲۰۰ کارکوونکي ګوښه کړي.

وايي، دا د ټرمپ له لوري په مهمو حکومتي ادارو کې د کمښت د هڅو یوه برخه ده، چې د څو کلونو په اوږدو کې به ترسره شي.

راپور کې راغلي، چې په تېره مارچ میاشت کې د امریکا مرکزي استخباراتو «CIA» د یوې اعلامیې په خپرولو سره ویلي و، چې د ټرمپ د تګلارو له مخې به زرګونه هغه استخباراتي افسران له دندې ګوښه کړي چې د استخباراتي کار لپاره وړ نه ګڼل کیږي.