ګارډین ورځپاڼې راپور ورکړی، امریکا به (د جون په ۱۴مه) چې د امریکا د ولسمشر ډونالډ ټرمپ د زوکړې ورځ ده؛ یو لوی پوځي پریډ د هغو وسلو سره ترسره کړي، چې په افغانستان کې کارول شوې دي.
په راپور کې راغلي، د ښاغلي ټرمپ د زوکړې ورځ د متحده ایالاتو د پوځ د جوړېدو له ۲۵۰مې کلیزې سره سمون خوري چې هر کال د پوځي پریډ سره نمانځل کېږي.
د ګارډین ورځپاڼې د راپور له مخې، په دې پوځي پریډ کې به هغه وسلې نندارې ته وړاندې شي چې د افغانستان، عراق او ویتنام په جګړو کې کارول شوې وې.
دغه ورځ چې د ولسمشر ټرمپ له ۷۹مې کلیزې سره سمون خوري، د نمانځنې په مراسمو کې به یې ۶۶۰۰ تنه سرتېري، لږ تر لږه ۱۵۰ زغرهوال موټرونه او ۵۰ چورلکې برخه واخلي.
خو بل خوا بیا ښاري چارواکو ویلي، چې په دغو مراسمو کې ګډون کوونکي ټانکونه او درانه موټرونه به سړکونه خراب کړي.
ټرمپ د خپلې حکومتولۍ په لومړۍ دوره کې هم د پوځي پریډ وړاندیز کړی و؛ خو دغه وړاندیز وروسته له هغه وځنډول شو، چې پر دغې پوځي پریډ به شاوخوا ۹۰ مېلیونه ډالر لګښت راشي.
ورته مهال د امریکا پوځ ویلي، چې دغه یو ورځني مراسم به د واشنګټن په ملي پارک کې ترسره شي.
