ټرمپ: هیلهمن یم د هند او پاکستان جګړه «ډېر ژر» پای ته ورسېږي
د امریکا ولسمشر ډونالډ ټرمپ وايي، هیلهمن دی چې د هند او پاکستان ترمنځ رامنځته شوی تاوتریخوالی «ډېر ژر» پای ته ورسېږي.
د امریکا ولسمشر ډونالډ ټرمپ وايي، هیلهمن دی چې د هند او پاکستان ترمنځ رامنځته شوی تاوتریخوالی «ډېر ژر» پای ته ورسېږي.
ټرمپ دا څرګندونې د چهارشنبې په ورځ داسې مهال کوي، چې همدا څو شېبې مخکې هندي ځواکونو د پاکستان پر خاوره بریدونه وکړل.
ټرمپ په سپینه ماڼۍ کې د هند او پاکستان د روان برید په تړاو د پوښتنې په ځواب کې وویل: «هغوی له لسیزو راهیسې او که رښتیا ووایو، له پېړیو راهیسې سره په جګړه کې دي. زه یوازې دا هیله لرم چې روان وضعیت ډېر ژر پای ته ورسېږي.»
د هند دفاع وزارت په یوه بیان کې ویلي، چې ځواکونو یې د پاکستان په خاوره او د دغه هېواد تر کنټرول لاندې کشمیر کې د ترهګریزو فعالیتونو اړوند ۹ مرکزونه په نښه کړي دي.
له دغه برید وروسته د پاکستان دفاع وزیر خواجه اصف د دغو بریدونو د تایید ترڅنګ رسنیو ته ویلي، چې د هند بریدونو ملکيانو ته زیان رسولی دی.
د پاکستاني پوځ په وینا، پر پاکستان د هند د برید په ترڅ کې ۳ کسان وژل شوي او ۱۲ نور ټپيان دي.
