پاکستان د دوو هندي جېټ الوتکو د نسکورېدو ادعا وکړه

ټرمپ دا څرګندونې د چهارشنبې په ورځ داسې مهال کوي، چې همدا څو شېبې مخکې هندي ځواکونو د پاکستان پر خاوره بریدونه وکړل.

ټرمپ په سپینه ماڼۍ کې د هند او پاکستان د روان برید په تړاو د پوښتنې په ځواب کې وویل: «هغوی له لسیزو راهیسې او که رښتیا ووایو، له پېړیو راهیسې سره په جګړه کې دي. زه یوازې دا هیله لرم چې روان وضعیت ډېر ژر پای ته ورسېږي.»

د هند دفاع وزارت په یوه بیان کې ویلي، چې ځواکونو یې د پاکستان په خاوره او د دغه هېواد تر کنټرول لاندې کشمیر کې د ترهګریزو فعالیتونو اړوند ۹ مرکزونه په نښه کړي دي.

له دغه برید وروسته د پاکستان دفاع وزیر خواجه اصف د دغو بریدونو د تایید ترڅنګ رسنیو ته ویلي، چې د هند بریدونو ملکيانو ته زیان رسولی دی.

د پاکستاني پوځ په وینا، پر پاکستان د هند د برید په ترڅ کې ۳ کسان وژل شوي او ۱۲ نور ټپيان دي.

دغه وزارت په خپل بیان کې زیاته کړې، چې هندي ځواکونو د پاکستان په خاوره او د دغه هېواد تر کنټرول لاندې کشمیر کې د ترهګریزو فعالیتونو اړوند مرکزونه په نښه کړي دي.

د هند د دفاع وزارت د معلوماتو له‌مخې، په دغو عملیاتو کې د ترهګرو ډلو اړوند ۹ مرکزونه په نښه شوي دي.

د نومد دفاع وزارت ټینګار کړی، چې دا عملیات کره محاسبه شوي او په‌کې د پاکستان هېڅ پوځي تاسیسات ته زیان نه دی اوښتی.

په بیان کې راغلي، چې هند د اهدافو په ټاکلو او د عملیاتو په ترسره کولو کې د پام زغم ښودلی دی.

ټاکل شوې ده، چې د سندور عملیاتو په اړه نور جزئیات نن د یوې رسمي مطبوعاتي غونډې په ترڅ کې وړاندې شي.

د پاکستان پوځ د سې‌شنبې په ورځ اعلان وکړ چې «هند څو شېبې مخکې د پاکستان په خاوره کې پر درېیو نقطو توغندیز برید وکړ.»

د پاکستان پوځ یوه ویاند د دغه هېواد رسنیو ته زیاته کړه، چې دوی به د هند برید ته ځواب ورکړي.

عیني شاهدانو رویټرز خبري اژانس ته وویل، چې د پاکستان تر ولکې لاندې د کشمیر د مظفراباد ښار په شاوخوا غرونو کې د څو چاودنو غږونه واورېدل شول.

د عیني شاهدانو په وینا، له چاودنو وروسته د دغه ښار برېښنا هم پرې شوه.

دا لا تر اوسه روښانه نه ده، چې د دې چاودنو لامل څه دی.

امریکایي رسنيو د سې شنبې په ورځ (د غويي ۱۶مه) په سپينه ماڼۍ کې د کاناډا د نوي لومړي وزیر او ډونالډ ټرمپ د لېدنې خبر ورکړی.

ټرمپ په دې لیدنه کې وویل: «موږ له بل چا سره لږ څه تشنج درلود، خو دا ډېره دوستانه خبرې اترې وې.»

ټرمپ د تعرفو په اړه په سخت غږ خبرې وکړې او ټینګار یې وکړ، چې نور هېوادونه باید له متحده ایالاتو سره یوځای شي.

هغه زیاته کړه: «دوی زموږ په بازار سترګې لري، خو موږ د دوی پروا نه کوو.»

هغه نور هېوادونه له هغه لوکس پلورنځي سره پرتله کړل چې توکي یې د متحده ایالاتو له خوا چمتو کېږي.

د کاناډا د الحاق په اړه د جنجالي څرګندونو سره-سره، ټرمپ د کارني ستاینه وکړه او ویې ویل: «کاناډا یو ډېر باصلاحیته او وړ کس غوره کړی دی.»

هغه د کارني د ټاکنو بریا او په مناظرو کې د هغه د فعالیت ستاینه وکړه.

د کاناډا لومړي وزير وروسته له هغه سپنې ماڼۍ ته سفر کوي، چې د کاناډا خلکو په پراخه کچه هغه د ولسمشر ټرمپ پروړاندي د همدې څرګندونو د درېدو په وړاندې وټاکه.

د کاناډا د صادراتو په وړاندې د امریکا تعرفو کې موټر، د موټرو پرزې، فولاد او المونیم شامل دي، کوم چې کولی شي د امریکایانو لپاره د نویو او کارول شویو موټرو، ترمیم او د بیمې بیې لوړې کړي.

ولسمشر ټرمپ د متحده ایالاتو څخه بهر تولید شوي فلمونو باندې ۱۰۰ سلنه تعرفه هم اعلان کړه.

کاناډا یو له هغو ډېرو هېوادونو څخه دی، چې د لویو فلمي شرکتونو له خوا کارول شوې مالیې وړاندې کوي.

ټرمپ وویل: «زموږ د فلم صنعت د نورو هېوادونو له خوا خراب شوی دی.»

کارني چې یو ۶۰ کلن بانکدار دی او پخوانۍ سیاسي تجربه هم نه لري، د مارچ په میاشت کې د لېبرال ګوند مشر وټاکل شو او د جسټین ټروډو ځای ناستی شو، چې له ټرمپ سره یې اړیکې ترینګلې وې.

کاناډا له مکسیکو وروسته د متحده ایالاتو دویم لوی سوداګریز شریک دی او د امریکایی توکو لپاره ترټولو لوی صادراتي بازار دی.

د راپورونو پر بنسټ، تېر کال د دواړو هېوادونو ترمنځ د ۷۶۰ مېلیارد ډالرو څخه زیات توکي تبادله شوي دي.

د سي‌اېن‌‌اېن خبري شبکې د راپور پر بنسټ، دا پرېکړه د متحده‌ایالاتو او حوثي وسله‌والو ترمنځ د اوربند د هوکړې په پایله کې شوې ده.

د دې هوکړې موخه د مثبتې فضا ټینګښت او له ایران سره د اټومي مذاکراتو چټکتیا بلل شوې ده.

ټرمپ په سپینه ماڼۍ کې د کاناډا له صدراعظم مارک کارني سره په یوې خبري غونډه کې وویل: «حوثیانو موږ ته ویلي چې نور جګړه نه غواړي او د دغه پیغام په ځواب کې موږ پر هغوی بمباري دروو.»

ورته مهال، د عمان د بهرنیو چارو وزیر بدر البوسیدي هم په دې هوکړه کې د خپل هېواد د منځګړي‌توب رول تایید کړی او وايي، چې دواړو خواوو ژمنه کړې څو د یو بل پر وړاندې به هېڅ ډول بریدونه نه کوي.

د دې هوکړې له‌مخې، په سور سمندر او باب‌المندب تنګي کې پر امریکایي کښتیو له هر ډول بریدونو ډډه شوې ده.

د امریکا او حوثي‌ وسله‌والو ترمنځ دغه اوربند داسې مهال کېږي، چې په دې وروستیو اوونیو کې په سور سمندر کې تاوتریخوالی ډېر شوی او د متحده‌ایالاتونو په ګډون پر نړۍوالو د دغې ډلې بریدونو ګڼ غبرګونونه راپارولي وو.