پاکستان د دوو هندي جېټ الوتکو د نسکورېدو ادعا وکړه
پاکستان وايي، هوايي ځواک یې دوه هندي جېټ الوتکې چې د دغه هېواد هوايي حریم ته ننوتلې وې، ویشتلي دي.
پاکستان وايي، هوايي ځواک یې دوه هندي جېټ الوتکې چې د دغه هېواد هوايي حریم ته ننوتلې وې، ویشتلي دي.
پاکستان د چهارشنبې په شپه ادعا کړې چې دا اقدام یې د هند د برید په ځواب کې کړی دی.
پاکستاني پوځ زیاته کړې چې پر هندي جېټ الوتکو یې د برید په پایله کې د دوی الوتکو ته کوم زیان نه دی رسېدلی.
د پاکستان امنیتي چارواکو په وینا، د دغه هېواد وسلهوال ځواکونه به د هند هر ډول برید ته ځواب ورکړي.
هندي چارواکو بیا د پاکستان د دې څرګندونو په ځواب کې کوم غبرګون نه دی ښودلی.
له دې مخکې د هند د دفاع وزارت په یوه بیان کې ویلي چې ځواکونو یې د پاکستان په خاوره او د دغه هېواد تر کنټرول لاندې کشمیر کې د ترهګریزو فعالیتونو اړوند ۹ مرکزونه په نښه کړي دي.
له دغه برید څو شېبې وروسته د امریکا ولسمشر ډونالډ ټرمپ وویل، هیلهمن دی چې د هند او پاکستان ترمنځ رامنځته شوی تاوتریخوالی «ډېر ژر» پای ته ورسېږي.
