د برېتانیا حکومت: کډوال په دې هېواد کې له ۱۰ کلن اقامت وروسته د تابعیت غوښتنه کولی شي

اسکای نیوز راپور ورکوي، د برېتانیا حکومت موخه لري څو په دې هېواد کې د مېشتو کډوالو په اړه نوي مقررات اعلان کړي. د دغو مقرراتو له مخې، په برېتانیا کې مېشت کډوال هغه وخت د تابعیت غوښتنه کولی شي، چې لږترلږه یې په دې هېواد کې ۱۰ کاله ژوند کړی وي.

په راپور کې همداراز راغلي، چې د برېتانیا د حکومت د دې اقدام موخه د بهرني کارګر پر کار تکیه کمول دي.
دا په داسې حال کې ده، چې څه موده مخکې د برېتانیا لومړي وزیر ویلي و، چې د هغه حکومت اراده لري، څو له هغو هېوادونو څخه د پناه غوښتنې غوښتنلیکونه "چټک" وڅېړي، چې د منل کېدو احتمال یې لوړ دی.
د شمېرو له مخې، افغان، سوريايي، سوډاني او ايراني پناه غوښتونکي په برېتانيا کې د منل کېدو تر ټولو ډېر چانس لري.