نتنیاهو: د اسراییل او امریکا ترمنځ هېڅ ډول اختلاف نه شته
د اسراییل لومړي وزیر بنیامین نتنیاهو د ایران او حوثیانو په اړه د امریکا له ولسمشر ډونالډ ټرمپ سره د هر ډول اختلاف په اړه راپورونه رد کړل.
د اسراییل لومړي وزیر بنیامین نتنیاهو د ایران او حوثیانو په اړه د امریکا له ولسمشر ډونالډ ټرمپ سره د هر ډول اختلاف په اړه راپورونه رد کړل.
د اېنبيسي نيوز ټلویزیوني شبکې په یوه راپور کې د امریکایي چارواکو، د منځني ختیځ د ډیپلوماتانو او د دوو باخبرو سرچینو په حواله لیکلي، چې تېره اوونۍ دوه ځلې د ډونالډ ټرمپ څرګندونې د بنیامین نتنیاهو د خفه کېدو او غوسې لامل شوی دی.
دغې شبکې راپور ورکړی و، چې نتنیاهو د تېرې چهارشنبې په ورځ د ټرمپ له هغو څرګندونو غوسه شوی و، چې ویلي یې و «لا یې دا پرېکړه نه ده کړې، چې ایا د احتمالي هوکړې په چوکاټ کې به ایران ته د یورانیمو د غني کولو اجازه ورکړل شي او که نه.»
