طنز؛ امر ثاني که امیر ثاني؟

پلار: لورې ته د ثاني په معنا پوهېدلې یې چې دویم ته وايي؛ خو د امر په مانا نه پوهېږې.
لور: ولې نه یم پوهېدلې، امر خو ساده خبره ده، معنا حکم، فرمان، دا وکړه او دا مه کوه.
پلار: نه دا معنا نه لري، دا امر ثاني نه دی، آمير ثاني دی، مطلب یې دا دی چې تر څو دا امیر نه وي بدل شوی او دویم یا ثاني امير نه وي راغلی، ښوونځي به همداسې تړلي پاتې وي.
لور: نو دویم امیر به کله راځي؟
پلار: ملایان خو وايي چې اخیره زمانه ده، مهدي اخير زمان راروان دی، کېدای شي چې تر هغه وخته پورې تړلي پاتې شي، پرون هغې بنګړيوالې څنګه بدله ویله؟
لور: هغې خو ویل چې؛
درپسې مامد اسلم دی
ښادي درباندې غم دی
پلار: افرین بس اوس پوه شوې، همدا مامد اسلم اوسنی امیر دی، تر څو چې مامد اسلم راپسې وي زموږ د وطن نجوني به ښادي و نه ويني!