عبدالله عبدالله: ایران دې د افغان کډوالو د جبري ډله ییز اخراج پر پالیسۍ بیا کتنه وکړي
د افغانستان د جمهوري نظام پخوانی اجراییه رییس ډاکټر عبدالله عبدالله وايي، چې د ایران حکومت دې د افغان کډوالو د جبري ډله ییز اخراج پر پالیسۍ بیا کتنه وکړي.
عبدالله عبدالله پر خپل اېکس د ایران له حکومت او چارواکو هیله کړې، چې افغانستان ته له راستنیدو دمخه د افغان کډوالو د ملکیت او شتمنیو ساتنې او بېرته راستنیدو ته پاملرنه وکړي څو له مهاجرینو د غچ اخیستنې مخه ونیول شي.
