طالبانو په کابل او کاپیسا کې ۸ تنه په دُرو وهلي
د طالبانو سترې محکمې ویلي، چې په کاپیسا کې یې یو کس د دې ډلې پر ضد تبلیغ او ۷ تنه نور یې په کابل کې د نشه يي توکو د خرڅلاو او قاچاق په تور په عام محضر کې په دُرو وهلي دي.
د طالبانو سترې محکمې ویلي، چې په کاپیسا کې یې یو کس د دې ډلې پر ضد تبلیغ او ۷ تنه نور یې په کابل کې د نشه يي توکو د خرڅلاو او قاچاق په تور په عام محضر کې په دُرو وهلي دي.
د دې ډلې له خوا د یکشنبې په ورځ په دوو جلاجلا خبرپاڼو کې ویل شوي، چې د کاپیسا ولایت د حصه اول کوهستان ولسوالۍ د ابتدایه محکمې د پرېکړې له مخې یې یو کس د طالبانو ضد تبلیغ په جرم ۳۹ دُرې وهلی او په یو نیم کال تنفیذي بند یې محکوم کړی دی.
همدارنګه طالبانو ویلي، چې د کابل ولایت د نشه يي توکو او مسکراتو څخه د مخنیوي ابتدایه محکمې د پریکړې له مخې یې ۷ کسانو ته د ذیکپ ټابلیټو، هیرویینو، الکولي مشروباتو او چرسو د خرڅلاو او قاچاق په جرمونو هر یوه ته له ۱۰ تر ۳۹ دُرو تعزیري سزا ور کړې او په یو تر پنځه کاله تنفیذي بند محکوم شوي دي.
