کېير سټارمر: د سپینې ماڼۍ ناسته کېدای شي تاریخي ګام وي
د برېتانیا لومړی وزیر کېير سټارمر وایي، د امریکا له ولسمشر ډونالډ ټرمپ سره د سپینې ماڼۍ ناسته کېدای شي د اوکراین او اروپا د امنیت لپاره یو «تاریخي ګام» وي.
د برېتانیا لومړی وزیر کېير سټارمر وایي، د امریکا له ولسمشر ډونالډ ټرمپ سره د سپینې ماڼۍ ناسته کېدای شي د اوکراین او اروپا د امنیت لپاره یو «تاریخي ګام» وي.
سټارمر په دې ناسته کې ټینګار کړی، چې د ټرمپ له لوري د امنیتي ضمانتونو یادونه د هغو هڅو سره سمون لري، چې د اوکراین اروپايي متحدینو په تېرو میاشتو کې ترسره کړې دي.
نوموړي زیاته کړې، چې د «چمتو هېوادونو اېتلاف» حاضر دی چې د اوکراین د امنیت د خوندیتوب لپاره لا ډېر مسوولیت پر غاړه واخلي.
ټرمپ تر دې وړاندې د کییف له پرلهپسې غوښتنو چې امنیتي ضمانتونه ورکړل شي، څو روسیه د اوربند د ماتولو یا په راتلونکو کلونو کې د برید د تکرار هڅه ونه کړي، په بېړه کې ډډه کړې وه.
