کرملین ماڼۍ اعلان وکړ، چې ولادیمیر پوتین د سعودي عربستان له ولیعهد او وزیرانو شورا رییس محمد بن سلمان ال سعود سره ټیلیفوني خبرې وکړې او له ټرمپ سره د الاسکا ناستې مهمې پایلې یې ورسره شریکې کړې دي.
کرملین ماڼۍ په یوه اعلامیه کې ویلي، چې په دې خبرو کې پوتین له محمد بن سلمان سره د الاسکا ناستې مهمې پایلې شریکې کړې.
پوتین په الاسکا کې د امریکا له ولسمشر ډونالډ ټرمپ سره د اوکراین پر سولې غږېدلی دی.
کرملین وايي، دواړو لوریو د روسیې او سعودي عربستان د همکاریو پر روانو موضوعاتو په ځانګړي ډول سیاست، سوداګرۍ، اقتصاد او پانګونې هم بحث کړی دی.
د اعلامیې له مخې، په خبرو کې د انرژۍ د نړیوال بازار د ثبات د ټینګښت لپاره د اوپک پلس په چوکاټ کې پر ګډو هڅو ټینګار شوی دی.