طالبانو د کونړ او ننګرهار ولایتونو له زلزلهځپلو سره د مرستو غوښتنه وکړه
د ننګرهار ولایت لپاره د طالبانو د عدلیې رييس محمد ريیس محمدي له خیریه بنسټونو غوښتي، چې په کونړ او ننګرهار ولایتونو کې د زلزلې له امله زیانمنو کورنیو سره اړینې مرستې وکړي.
د ننګرهار ولایت لپاره د طالبانو د عدلیې رييس محمد ريیس محمدي له خیریه بنسټونو غوښتي، چې په کونړ او ننګرهار ولایتونو کې د زلزلې له امله زیانمنو کورنیو سره اړینې مرستې وکړي.
کونړ او ننګرهار ولایتونه نن شپه شاوخوا ۱۲ بجې سختې زلزلې او ورپسې ټکانونو لړزولي او یو شمېر کسانو ته د مرګ ژوبلې له اوښتو سربېره یو زیات شمېر کورونه هم نړېدلي دي.
محمد رييس محمدي وايي: «د خيريه بنسټونو اتحادیو سمدستي کونړ ته د تګ او د مرستو د برابرولو چمتووالی ښودلی.»
په دغې زلزله کې ډېره مرګ ژوبله د کونړ ولایت په نورګل ولسوالۍ کې رامنځته شوې او د ننګرهار په درهء نور ولسوالۍ کې هم یو شمېر کسانو ته مرګ ژوبله اوښتې ده.
په کونړ کې د یادې زلزلې او ورپسې ټکانونو له امله څه باندې ۱۰۰ کسان روغتیايي مرکزونو ته لېږدول شوي او په ننګرهار کې د شوې زلزلې له امله ۹ کسان مړه او ۲۰ نور ټپيان شوي، خو د ځايي اوسېدونکو په وینا، په یاده زلزله کې د اوښتې مرګ ژوبلې کچه تر دې ډېره لوړه ده.
په یادو ولایتونو کې د طالبانو مسوولینو هم ویلي، دغه شمېرې وروستي نه دي او د هرې شېبې په تېرېدو سره پکې بدلون راځي او زیاتېږي.
ویل کېږي، چې یادې زلزلې د پاکستان ځينې سیمې هم لړزولي خو لا تراوسه د احتمالي ځاني او مالي زیانونو په تړاو څه نه دي ویل شوي.
عزیزالله مصطفی زیاتوي، زلزلهځپلو سیمو ته د مرستندویه ټيمونو د استولو لپاره له کابل سره هم همغږي شوې ده.
د نن شپې د زلزلې تر ټولو ډېره مرګژوبله په کونړ کې رامنځته شوې ده | افغانستان انټرنشنل پښتو
په ختیځو ولایتونو او په ځانګړې توګه په ننګرهار او کونړ ولایتونو کې د نن شپې شاوخوا ۱۲ بجو پرلهپسې زلزلو او ورپسې ټکانونو له امله ګڼه مرګ ژوبله اوښتې، خو لا تر اوسه یې کره شمېر نه دی مشخص شوی او د ټپیانو د لېږدولو بهیر همداراز دوام لري.
د کونړ په ولایتي روغتون کې سرچینو افغانستان انټرنشنل- پښتو ته ویلي، تر اوسه څه باندې ۱۰۰ ټپيان ولایتي روغتون ته لېږدول شوي دي.
له دې سره سم، په ننګرهار کې د یادې زلزلې له امله تر اوسه د ثبت شویو معلوماتو له مخې، ۹ کسان مړه او ۲۰ نور ټپيان شوي او د ځينو روغتیايي حالت هم ډېر نازک ښودل شوی دی.
ځايي خلک بیا وايي، په دغې زلزلې کې یو شمېر کورونه نړېدلي او لا هم ځينې کسان تر کنډوالو لاندې دي او د زلزلهځپلو سیمو ډېری خلک له خپلو کورونو وتلي او په ازاده فضا کې شپه سبا کوي.
د نوموړي په وینا، ډېری ټپيان روغتیايي مرکزونو ته لېږدول شوي او د یو شمېر ټپيانو روغتیايي وضعیت ډېر نازک دی.
د ننګرهار د زلزله ځپلو سیمو یو شمېر اوسېدونکي وايي، د دغې زلزلې له امله یو شمېر کورونه نړېدلي او ښايي ځينې کسان لا هم تر کنډوالو لاندې بند پاتې وي.
له دې ټولو سره سره، د افغانستان په ختیځو ولایتونو کې د دغو زلزلو او ورپسې ټکانونو له امله د مړو او ټپیانو وروستی او کره شمېر نه دی مشخص شوی او د زلزله ځپلو سیمو او روغتیايي مرکزونو تر منځ د واټڼ د لرې والي له امله روغتيايي مرکزونو ته د ټپيانو د لېږدونې بهیر همداراز وام لري.
له دې سره سم، په زلزله ځپلو سیمو کې ډېری کورنۍ او په ځانګړې توګه ماشومان له خپلو مېنو ازادې فضا ته راوتي او لاسونه یې دوعا ته لپه کړي دي.