طالبان وايي چې د وروستۍ زلزلې د قربانیانو شمېر ۱۴۵۷ تنو ته لوړ شوی

د امارات خبري اژانس د راپور له مخې، دغې ډلې ته دنده سپارل شوې چې د هېواد ختیزو سیمو کې د لټون او ژغورنې عملیات ترسره کړي او له زیانمنو خلکو سره په مستقیم ډول مرسته وکړي.

دغه ډله به ختیزو سیمو ته له رسېدو سره سم خپله همکاري پیل کړي.

بل خوا د ننګرهار سیمه‌ییزو چارواکو ویلي، چې ټاکل شوې د متحده عربي امارات اړوند یو شمېر الوتکې د افغانستان د ختیزو ولایتونو زلزله‌ځپلو ته د بشري مرستو کڅوړې ولېږدوي.په دغو مرستو کې اړین توکي، طبي درمل او د استوګنې خیمې شاملې دي.

د ننګرهار ولایت مقام پر اېکس پاڼې لیکلي، چې په همدې موخه د ننګرهار مرستیال والي مولوي عزیزالله مصطفی د امارات د ژغورنې او مرستو څانګې له مسوولینو سره یوځای د دغه ولایت هوايي ډګر وکوت، څو د اماراتي الوتکو د ناستې امکانات وارزول شي.

دغې شورا په خپله اعلامیه کې ویلي، چې په کونړ کې وضعیت خورا نازک دی او ټولې اغېزمن خلک بېړنیو مرستو ته اړتیا لري.

دوی ویلي، چې زلزلې هغو خلکو ته زیان ډېر اړولی چې له وړاندې د بې ځایه کېدو، د خوراکي توکو د کموالي او وچکالۍ له فشار سره مخامخ وو.

د ناروې د کډوالو شورا زیاتوي، چې د کونړ ډیری کورنۍ د ځمکې د پرله پسې ټکانونو له امله تر شنه اسمان لاندې شپې تېروي: «سیمه ییزې سرچینې له حده ډېرې ستړې شوې او د بودجې کموالي د بشري مرستو د چټکتیا کچې مخه ډب کړې ده.»

د ناروې د کډالو شورا ویلي:«زلزله ځپلو خلکو د کورنیو د غړو، څارویو، د کورونو د ودانیو او د اوبو د مهمو شبکو په ګډون هر څه له لاسه ورکړي دي. په موقتي پنډغالو کې په هره خېمه کې ۵۰ تر ۱۰۰ ښځې او ماشومان د پاکو اوبو له اسانتیاوو پرته یو ځای اوسېږي. ماشومان له سختې روحي صدمې سره مخ دي».

د ناروې د کډوالو شورا ویلي، له زلزلې ژغورل شوي کسان په بېړني ډول سرپناه، خوړو، پاکو اوبو او طبي درملو ته اړتیا لري. دوی پر نړیوالو مرسته کوونکو غږ کړی، چې د ژمي له رسېدو وړاندې خلکو ته سرپناوې برابرې کړي او دوامداره مرستو ته دې ادامه ورکړل شي.

هغه ویلي، زلزله ځپلو ته رسېدنه یوازې د چورلکو له لارې شونې ده؛ خو د چورلکو کمښت د ژغورنې چارې له ستونزو سره مخ کړې دي. نوموړي زیاته کړې، چې دا مهال په سیمه کې کافي روغتیایي اسانتیاوې او روغتیاپالان نه‌شته او په ورته وخت کې د ژغورونکو ډلو کمښت هم ننګوونکی دی.

هغه دارنګه ویلي، چې دا مهال طالبان د درېیو چورلکو پر مټ د ټپیانو لېږد او د لومړنیو توکو د رسولو عملیات ترسره کوي چې رامنځته شوې ویجاړۍ او مرګ ژوبلې ته په کتو دا ډېرې کمې دي.

د هغه په وینا؛ په دې تړاو یې له نړۍوالې ټولنې سره خبرې کړې او خبرداری یې ورکړی، چې وخت دېر کم دی. د ملګرو ملتونو دغه چارواکي همدا راز اندېښنه ښودلې، چې په افغانستان کې وار له مخه ناورینونو زلزله ځپلو ته د مرستې رسونې پر بهیر منفي اغېز پرېښې دی.

سرچینو چهارشنبه (د وږي ۱۲مه) زیاته کړه، که بشرپاله بنسټونه او حاکم رژیم ژر تر ژره اقدام ونه‌کړي؛ نو یو لوی ناورین به رامنځته شي. د سرچینو په وینا؛ زلزله‌ځپلي د سرپناه‌ نشتوالي له امله دا څو شپې په کروندو کې ویده کېږي.

دا په داسې حال کې ده، چې تر دې وړاندې د بښنې نړۍوال سازمان په افغانستان کې د وروستۍ ویجاړونکې زلزلې د قربانیانو له کورنیو سره د خواخوږۍ شریکولو ترڅنګ ویلي و چې په داسې بحراني شرایطو کې د بشري حقونو درناوی باید په لومړیتوب کې وي.

د بښنې نړۍوال سازمان ټینګار کړی، چې د داسې سیاستونو دوام اغېزمنو خلکو ته د بېړنیو مرستو رسونې پر وړاندې یو جدي خنډ دی او د زرګونه اړمنو خلکو ژوند له ګواښ سره مخامخ کوي.

د دغه سازمان په خپره شوې اعلامیه کې راغلي، چې د طالبانو له‌خوا لګول شويو محدودیتونو په افغانستان کې د بشري او مرستندویه بنسټونو فعالیتونه کم کړي دي. په دغه محدودیتونو کې د ملګرو ملتونو اړوندو دفترونو او نورو نادولتي سازمانونو کې د افغان ښځو د کار کولو بندیز هم شامل دی.

د بښنې نړۍوال سازمان ټینګار کړی، چې د داسې سیاستونو دوام اغېزمنو خلکو ته د بېړنیو مرستو رسونې پر وړاندې یو جدي خنډ دی او د زرګونه اړمنو خلکو ژوند له ګواښ سره مخامخ کوي.

د بښنې نړۍوال سازمان دغه څرګندونې داسې مهال کوي، چې د کونړ مرګونې زلزلې د مړه‌شویو کسانو شمېر تر یو زرو او ۴۰۰ او د ټپیانو بیا تر درې زرو اوښتی دی. طالبان وايي، چې ژغورونکې ډلې د خاورو لاندې د بندو کسانو پر را اېستلو بوختې دي او ښايي د مرګ‌ژوبلې شمېر تر دې هم لوړ شي.