مارک کارني: د پولنډ د هوایي حریم نقض «بې پروا او د کړکېچ زیاتېدو سبب کېدونکی عمل» دی
د کاناډا لومړي وزیر مارک کارني ویلي، چې د روسیې له خوا د تېرې شپې په جریان کې د پولنډ د هوايي حریم نقض «بېپروا او د کړکېچ د زیاتېدو سبب ګرځېدونکی عمل» دی.
د کاناډا لومړي وزیر مارک کارني ویلي، چې د روسیې له خوا د تېرې شپې په جریان کې د پولنډ د هوايي حریم نقض «بېپروا او د کړکېچ د زیاتېدو سبب ګرځېدونکی عمل» دی.
کارني په اېکس خواله رسنۍ لیکلي، کاناډا د پولنډ او د ناټو له ټولو متحدانو سره ولاړه ده او له هغوی سره نږدې همغږي ساتي.
هغه ټینګار کړی، چې روسیه هڅه کوي څو جګړه وغځوي او پراخه یې کړي، خو ناټو هېوادونه به د دغو هڅو پر وړاندې په بشپړه توګه هوښیار پاتې شي.
نوموړي زیاته کړې: «پوتین یو ځل بیا ښيي چې د سولې پر لور هېڅ درناوی نه لري. د روسیې وروستۍ کړنې چې د اوکراین پر ملکي وګړو د تېرې اوونۍ له وحشیانه بریدونو وروسته ترسره شوې، د دې ښکارندويي کوي چې د اوکراین لپاره زموږ پرلهپسې ملاتړ څومره مهم دی.»
د کاناډا لومړي وزیر ټینګار کړی، چې د اوکراین او اروپا دایمي سولې ته د رسېدو یوازینۍ لاره دا ده چې د پوتین پر وړاندې فشارونه زیات شي او دغه جګړه پای ته ورسول شي.
