طالبانو د کونړ زلزله ځپلو کورنیو سره د مرستو وېش پیل کړ
د طالبانو له پېښو سره د مبارزې د چمتووالي ملي اداره وايي، دغه پیسې د طالبانو له بودجې څخه برابرې شوي، چې په ترڅ کې به یې د هر قرباني کورنۍ ته ۲۰ زره او د هر ټپي کورنۍ ته ۱۰ زره افغانۍ ورکړل شي.
د طالبانو له پېښو سره د مبارزې د چمتووالي ملي اداره وايي، دغه پیسې د طالبانو له بودجې څخه برابرې شوي، چې په ترڅ کې به یې د هر قرباني کورنۍ ته ۲۰ زره او د هر ټپي کورنۍ ته ۱۰ زره افغانۍ ورکړل شي.
د دغه ادارې د خبرپاڼې له مخې، د دغو مرستو د وېش بهیر د شنبې په ورځ (د وږي ۲۲مه) د کونړ ولایت د څوکۍ ولسوالۍ د دیوه ګل درې په «چلس او اندرلچک» سیمو کې پیل شوی او د کونړ ولایت ټولو زلزله ځپلو سیمو ته به وغځول شي.
د یادونې وړ ده، چې د هېواد په ختیځ کې د وروستیو زلزلو له امله څه باندې ۲۲۰۰ کسان مړه شوي او څه باندې ۳۶۰۰ نور ټپيان شوي دي.
