د فرانسې نوی لومړی وزیر: هڅه کوم له مخالفو ګوندونو سره په ګډه د ۲۰۲۶ کال بودجه تصویب کړم
د فرانسې ټاکل شوي نوي لومړي وزیر سباستین لوکورنو ویلي چې د دغه هېواد د مالي ثبات د ساتلو په موخه به یو لړ اقدامات وکړي. د نوموړي په وینا، هڅه کوي چې له مخالفو ګوندونو سره په ګډه د ۲۰۲۶ کال بودجه هم تصویب کړي.
لوکورنو همداراز د خپل مخکېني ځای ناستي هغه وړاندیز هم لغوه کړی چې له مخې یې دوه رسمي رخصتۍ کمېدې. د فرانسي لومړي وزیر ویلي چې دا پرېکړه یې د بودجې د کسر د کمښت او له سیاسي بېثباتۍ سره د مبارزې په موخه کړې ده.