سږ کال په لوګر کې د انګورو حاصلات ۱۰سلنه ډېر شوي
په لوګر کې د طالبانو د کرنې او مالدارۍ ریاست خبر ورکړی، چې په دغه ولایت کې پر ۱۹۶۸هکټاره ځمکه د انګورو باغونه جوړ شوي او سږ کال یې ۳۶۹۹۹ ټنه حاصلات ورکړي دي. دغه ریاست ادعا کړې، چې دغه شمېره د تېر کال پرتله ۱۰سلنه ډېروالی ښیي.
هممهاله یو شمېر بڼوال نیوکه لري، چې بهرنیو هېوادونو ته د صادراتو نشتوالي له کبله په کور دننه د انګورو بیې خورا ټیټې وې او دوی ان له زیانونو سره هم مخ کېږي.