ټرمپ د حماس له لوري د انساني سپر په توګه له یرغمل شویو کسانو استفاده «ظلم» بولي

نوموړي په «ټروټ سوشل» کې لیکلي: «همدا اوس مې یو راپور ترلاسه کړ چې حماس یرغمل شوي کسان د ځمکې لاندې تونلونو ته لېږدولي دي، ترڅو د اسراییل د ځمکنيو بریدونو پر وړاندې ترې د انساني سپر په توګه استفاده وکړي. هیله لرم د حماس مشران پوه شي چې که داسې وکړي نو څه به پرې پېښېږي.»
ټرمپ زیاته کړه: «دا یو انساني قساوت دی چې ډېر لږ کسان ورسره مخامخ شوي دي. اجازه مه ورکوئ چې داسې پېښه وشي، که نه هر څه به ګډوډ شي. ټول یرغمل شوي سمدستي ازاد کړئ.»