د پاکستان او ډنمارک ځانګړو استازو د افغانستان په اړه خبرې کړې دي
د افغانستان لپاره د پاکستان ځانګړي استازي صادق خان ویلي، چې د افغانستان لپاره د ډنمارک له ځانګړې استازې انډریاس ارنفلدت او مل پلاوي سره یې لیدلي دي. نوموړي ویلي، چې په دغه لیدنه کې په افغانستان کې د ترهګرو د حضور، سیمهییزو تحولاتو او بشري مرستو په اړه خبرې شوې دي.
صادق خان که څه هم په دې اړه ډېر جزییات نهدي ورکړي؛ خو دا یې ویلي چې دواړه خواوو د افغانستان په تړاو د همکارۍ پر زیاتوالي ټینګار کړی دی.
