ریچارډ لینډسي: بریتانیا له افغان زلزله ځپلو سره ۳ میلیونه پونډه اضافي مرسته کوي
د افغانستان لپاره د بریتانیا ځانګړي استازي ریچارډ لینډسي ویلي چې لندن به د وروستیو زلزلو له امله د اغېزمنو شویو افغانانو د ملاتړ په خاطر ۳میلیونه پونډه اضافي مرسته وکړي. نوموړي ویلي، چې بریتانیا د افغانستان له خلکو سره په سختو شېبو کې ولاړه ده.
نوموړي پر ایکس لیکلي: «بریتانیا د افغانستان له خلکو سره په سختو شېبو کې ولاړه ده، دغه نوې مرسته به د روغتیايي خدماتو، پاکو اوبو، د سرپناه برابرولو او د ښځو او نجونو لپاره د روغتیا ځانګړو کیټونو په برابرولو ولګول شي.»
