طالبانو په نورستان کې ۹زره کیلو ګرامه ګران بیه ډبرې پلورلې دي
د نورستان لپاره د طالبانو د کانونو او پټرولیم ریاست ځايي مسوولینو ویلي، چې د دواب ولسوالۍ له ماوې کان څخه ترلاسه شوې ۹زره کیلو ګرامه ګران بیه او نیمه ګران بیه ډبرې یې د ازادې بولۍ له لارې پلورلې دي.
په نورستان ولایت کې د طالبانو د کانونو او پټرولیم رییس سید الرحیم عمير ویلي، چې د دغه ګران بیه ډبرو ارزښت له ۹۵ مېلیونه افغانیو څخه اوړي. هغه زیاته کړې، چې په دغه ګران بیه ډبرو کې بیروج، کنزېټ، مارګنېټ او بلور شامل دي.
