د ملګرو ملتونو د امنیت شورا ۹ غړو هېوادونو پر ښځو د طالبانو بندیزونه وغندل

د افغانستان په اړه د ملګرو ملتونو د امنیت شورا غونډه د ۹ هېوادونو د ګډې اعلامیې په وړاندې کولو سره پیل شوه. د امنیت شورا ۹ غړو هېوادونو له افغان مېرمنو خپل ملاتړ اعلان کړ او پر ښځو یې د طالبانو بندیزونه محکوم کړل.

په دې هېوادونو کې امریکا، روسیه او چین شامل نه وو.

دغو هېوادونو ویلي چې افغان مېرمنې د کار او زده کړې حق لري او له طالبانو یې غوښتي چې دغه محدودیتونه دې لرې کړي.